Ӧксыяслӧн 3 небӧг 9:26 - Коми Библия 2023

²⁶ Соломон вӧчис корабльяс Эцион-Гевер карын. Карыс сулаліс Эдом муын Гӧрд саридз дорын, Элат карсянь матын.

Ӧксыяслӧн 3 небӧг 9:26 ပူးပေါင်းရင်းမြစ်များ

Ӧксыяслӧн 3 небӧг 10:22

Хирамлӧн корабльясысь ӧтдор саридз вылын Соломон ӧксылӧн вӧліны тшӧтш фарсисса корабльяс. Куим во пытшкас ӧтчыдысь фарсисса корабльяс вайлісны зарни-эзысь, слӧн лы, ӧблезянаясӧс да павлинъясӧс.

Ӧксыяслӧн 3 небӧг 22:48

Иосафат ӧксы вӧчис фарсисса корабльяс, медым найӧ кывтісны Офирӧ зарнила. Но корабльясыс эз воны Офирӧдз, а жугалісны Эцион-Геверын.

Ӧксыяслӧн 3 небӧг 22:49

Ахавлӧн Ахазий пиыс сэки вӧзйис Иосафатлы: «Менам кесйӧгъяс мед кывтасны тэнад кесйӧгъяскӧд». Но Иосафат эз мун та вылӧ.

Ӧксыяслӧн 4 небӧг 14:22

Амасей ӧксылӧн кулӧм бӧрын да батьясыс дінӧ вуджӧм бӧрын Азарий бӧр босьтіс Элат кар да выльысь лэптіс сійӧс.

Шусьӧгъяс 31:14

Вузӧс новлӧдлысь корабль кодь сійӧ, ылісянь сёян-юансӧ вайӧ.

Лыд 33:35

Авронаысь мунӧм бӧрын сувтісны Эцион-Геверӧ.

Индӧд 2:8

Ми мунім Сеир керӧсвыв муын олысь Исав пиян дінті, миян вокъяс дінті. Восьлалім Арава туйӧд, мый нуӧдӧ Элатсянь да Эцион-Геверсянь. Сэсся ми кежим Моав овтӧминлань.