Ӧксыяслӧн 3 небӧг 9:19 - Коми Библия 2023

¹⁹ Нянь да эмбур, тарантасъяс да вӧвъяс видзӧм могысь кыпӧдіс аслыс каръяс. Ерусалимын, Ливанын да аслас киподувса муын сійӧ лэптіс ставсӧ, мый кӧсйис.

Ӧксыяслӧн 3 небӧг 9:19 ပူးပေါင်းရင်းမြစ်များ

Ӧксыяслӧн 3 небӧг 10:26

Соломон лӧсьӧдіс аслыс тарантаса вӧвъясӧс: тарантас лыдыс вӧлі сюрс нёльсё, а вӧвъяслӧн лыдыс – дас кык сюрс. Сійӧ видзис найӧс тарантаса тышкайӧзлы торйӧдӧм каръясын да аслас Ерусалим карын. [Ефрат юсянь Филистим муӧдз да Египетӧдз став ӧксыыс вӧліны Соломон кипод улынӧсь.]

Ӧксыяслӧн 3 небӧг 5:6

Сідзкӧ, тшӧкты пӧрӧдны Ливанысь сус пуяс. Менам кесйӧгъяс тшӧтш кутасны уджавны тэнад кесйӧгъяскӧд. Ме мынтыся тэнад йӧзлы, мыйтӧм шуан. Тэ ӧд ачыд тӧдан, мый сидонса кодь бур пӧрӧдчысьясыс менам абуӧсь».

Ӧксыяслӧн 3 небӧг 9:1

Соломон помаліс вӧчны Господьлысь крамсӧ, ассьыс ӧксы керкасӧ да ставсӧ, мый кӧсйис вӧчны.

Ӧксыяслӧн 3 небӧг 9:20

Аморейясысь, хеттейясысь, перезейясысь, [ханаансаясысь,] хивейясысь, евуссаясысь [да гергесейясысь] ловйӧн кольӧмаясӧс Соломон уджӧдіс. Тадзи найӧ талунӧдз мынтӧны сылы вот. Тайӧ йӧзыс эз вӧвны Израиль войтырысь, а чужисны Израиль муын мукӧд войтыръяссянь, кодъясӧс израильсаяс эз вермыны дзикӧдз бырӧдны.

2 Каднебӧг 1:14

Соломон лӧсьӧдіс аслыс тарантаса вӧвъясӧс: тарантас лыдыс вӧлі сюрс нёльсё, а вӧвъяслӧн лыдыс – дас кык сюрс. Сійӧ видзис найӧс тарантаса тышкайӧзлы торйӧдӧм каръясын да аслас Ерусалим карын.

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Еклесиаст 2:10

Ме лэдзи видзӧдны синлы, мый сійӧ кӧсйис, эг кут сьӧлӧмӧс долыдасьӧмысь. Сьӧлӧмӧй нимкодясис став аслам уджысь, и тайӧ вӧлі меным удждонӧн.

Еклесиаст 6:9

Абутӧмсӧ кӧсйӧм дорысь бурджык сійӧ, мый эм син водзад. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.