Ӧксыяслӧн 3 небӧг 9:16 - Коми Библия 2023

¹⁶ Фараон, египетса ӧксы, водзынджык уськӧдчыліс Гезер кар вылӧ да сотіс сійӧс. Сэтчӧс олысь ханаансаясӧс виаліс, а карсӧ сетіс козин пыдди аслас нывлы, Соломонлӧн гӧтырлы.

Ӧксыяслӧн 3 небӧг 9:16 ပူးပေါင်းရင်းမြစ်များ

Ӧксыяслӧн 3 небӧг 3:1

Соломонлӧн юралӧмыс вӧлі зумыд. Соломон босьтіс гӧтырӧ египетса фараонлысь нывсӧ, тадзи найӧ рӧдвужасисны фараонкӧд. Гӧтырсӧ Соломон вайӧдіс Давид карӧ. Сэні гӧтырыс оліс, кытчӧдз Соломон эз лэпты Ерусалимын аслыс олан керка, Господьлы крам да Ерусалим гӧгӧр стен.

Ӧксыяслӧн 3 небӧг 7:8

Соломонлӧн олан керкаыс сулаліс мӧд йӧрын, юралан керка сайын. Сылӧн олан керкаыс вӧлі юралан керка кодь жӧ. Соломон вӧчис татшӧм жӧ керка фараон нывлы, кодӧс сійӧ босьтіс гӧтырӧ.

Ӧксыяслӧн 3 небӧг 9:24

Фараонлӧн нылыс вуджис Давид карысь аслас керкаӧ. Тайӧ керкасӧ сылы вӧчис Соломон, сійӧ лэптіс тшӧтш Милло, Давид карлысь юкӧнсӧ.

Нав Исус 10:33

Тыш дырйи Лакиш карлы отсӧг вылӧ локтіс гезерса Хорам ӧксы. Но Исус вермис сійӧс да сылысь войтырсӧ [шыпуртӧн], ставнысӧ ӧтитӧг виис. Некод ловйӧн эз коль [и эз пышйы].

Нав Исус 16:10

Ефремсянь чужысьяс эз вӧтлыны Гезерын олысь ханаансаясӧс, та вӧсна ӧнӧдз ханаансаяс олӧны Ефрем чужанкотыр пӧвстын да уджалӧмнас мынтӧны налы вот. [Бӧрынджык фараон, египетса ӧксы, босьтіс Гезер кар да сотіс сійӧс. Сэтысь виалісны ханаансаясӧс, перезейясӧс да мукӧд олысьясӧс. Фараон сетіс карсӧ аслас нывлы козин пыдди.]