Ӧксыяслӧн 3 небӧг 9:15 - Коми Библия 2023

¹⁵ Медым лэптыны Господьлы крам, аслыс ӧксы керка, Милло, Ерусалим стенъяс, Хацор, Мегиддо да Гезер каръяс, Соломон ӧксы уджӧдіс йӧзӧс, кодъяс уджалӧмнас мынтісны вот.

Ӧксыяслӧн 3 небӧг 9:15 ပူးပေါင်းရင်းမြစ်များ

Ӧксыяслӧн 2 небӧг 5:9

Давид овмӧдчис изкарӧ да нимтіс сійӧс Давид карӧн. Миллосянь кар шӧрӧдзыс Давид лэптіс керкаяс.

Ӧксыяслӧн 3 небӧг 11:27

Со кыдзи Еровам кыпӧдчис Соломонлы паныд. Кор Соломон вӧлі лэптӧ Милло да дзоньталӧ Давид батьыслысь кар стенъяссӧ,

Ӧксыяслӧн 3 небӧг 12:4

«Тэнад батьыд пуктіс миян вылӧ сьӧкыд сийӧс, но тэ кокньӧд миянлысь сьӧкыд уджнымӧс да босьт миян вылысь сийӧссӧ, мый батьыд пуктіс миян вылӧ. Сэки ми кутам кесъявны тэныд».

Ӧксыяслӧн 3 небӧг 3:1

Соломонлӧн юралӧмыс вӧлі зумыд. Соломон босьтіс гӧтырӧ египетса фараонлысь нывсӧ, тадзи найӧ рӧдвужасисны фараонкӧд. Гӧтырсӧ Соломон вайӧдіс Давид карӧ. Сэні гӧтырыс оліс, кытчӧдз Соломон эз лэпты Ерусалимын аслыс олан керка, Господьлы крам да Ерусалим гӧгӧр стен.

Ӧксыяслӧн 3 небӧг 4:12

Ахилудлӧн Баан пиыс юраліс Танакын, Мегиддоын да Бет-Шеан гӧгӧр муын, мый Цартан кар дорын Изреельысь улынджык. Сы кипод улын нӧшта вӧлі муыс Бет-Шеансянь Авел-Мехолаӧдз да Иокмеам кар сайӧдз.

Ӧксыяслӧн 3 небӧг 5:13

Соломон уджӧдіс Израиль войтырысь комын сюрс мортӧс, кодъяс уджалӧмнас мынтісны вот.

Ӧксыяслӧн 3 небӧг 6:38

а дас ӧтиӧд вонас бул нима кӧкъямысӧд тӧлысьӧ сійӧ помаліс крам лэптӧмсӧ. Крамсӧ да сэні кесъялӧм могысь став коланаторсӧ вӧлі вӧчӧма, кыдзи вӧлі водзвыв шуӧма вӧчны. Крамсӧ лэптісны сизим во чӧж.

Ӧксыяслӧн 3 небӧг 9:10

Кызь во чӧжӧн Соломон лэптіс кык керка – Господьлы крам да аслыс ӧксы керка.

Ӧксыяслӧн 3 небӧг 9:24

Фараонлӧн нылыс вуджис Давид карысь аслас керкаӧ. Тайӧ керкасӧ сылы вӧчис Соломон, сійӧ лэптіс тшӧтш Милло, Давид карлысь юкӧнсӧ.

Ӧксыяслӧн 4 небӧг 12:20

Йоаслӧн кесйӧгъясыс кыпӧдчисны сылы паныд. Гусьӧн сёрнитчӧм бӧрын виисны сійӧс Бет-Миллоын, кысянь туйыс мунӧ Силлаӧ.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

1 Каднебӧг 20:4

Бӧрынджык Гезерын вӧлі филистимсаяскӧд тыш, кӧні Хушаысь Сиббекай виис Рефай рӧдысь Сиппай нима мортӧс. Филистимсаясӧс вӧлі вермӧма.

1 Каднебӧг 6:67

Налы сетісны каръяс, кытчӧ вӧлі позьӧ пышйыны: Сикем да сыгӧгӧрса видзьяс Ефрем керӧсвыв муысь, Гезер да сыгӧгӧрса видзьяс,

2 Каднебӧг 35:22

Но Иосей дасьтысис тыш кежлӧ, эз бӧрыньтчы. Сійӧ эз кывзы Неколысь Енсянь висьталӧм кывъяссӧ, и Мегиддо ковтысын паніс тыш.

2 Каднебӧг 8:1

Кызь во чӧжӧн Соломон лэптіс Господьлы крам да аслыс керка.

Закар 12:11

Сійӧ лунӧ Ерусалимын кутас кывны гораа ырзӧм-бӧрдӧм, сэтшӧм бӧрдӧм, кутшӧмӧс кывлісны Хадад-Риммонын Мегиддо ковтысын.

Нав Исус 10:33

Тыш дырйи Лакиш карлы отсӧг вылӧ локтіс гезерса Хорам ӧксы. Но Исус вермис сійӧс да сылысь войтырсӧ [шыпуртӧн], ставнысӧ ӧтитӧг виис. Некод ловйӧн эз коль [и эз пышйы].

Нав Исус 11:1

Та йылысь кылӧм бӧрын хацорса Явин ӧксы мӧдӧдіс ассьыс йӧзсӧ мадонса Иовав ӧксы дінӧ, шимронса да аксафса ӧксыяс дінӧ,

Нав Исус 16:10

Ефремсянь чужысьяс эз вӧтлыны Гезерын олысь ханаансаясӧс, та вӧсна ӧнӧдз ханаансаяс олӧны Ефрем чужанкотыр пӧвстын да уджалӧмнас мынтӧны налы вот. [Бӧрынджык фараон, египетса ӧксы, босьтіс Гезер кар да сотіс сійӧс. Сэтысь виалісны ханаансаясӧс, перезейясӧс да мукӧд олысьясӧс. Фараон сетіс карсӧ аслас нывлы козин пыдди.]

Нав Исус 16:3

Сэсянь мудорыс лэччӧ рытыввылӧ яфлетъяслӧн оланін дорті Улыс Бет-Хоронӧдз да Гезерӧдз и помасьӧ Ыджыд саридз дорын.

Нав Исус 17:11

Иссакар да Асир чужанкотыръяслӧн муясысь Манассей чужанкотырлы вичмис Бет-Шеан, Ивлеам, Дор, Эн-Дор, Танак да Мегиддо каръяс, нагӧгӧрса сиктъяс да Нафет муысь коймӧд юкӧныс [сиктъяснас].

Нав Исус 19:36

Адама, Рама, Хацор,

Нав Исус 21:21

Налы сетісны Ефрем керӧсвыв муысь Сикем кар, кытчӧ вермас пышйыны морт виысь, да сыгӧгӧрса видзьяс. Налы сетісны тшӧтш Гезер кар да сыгӧгӧрса видзьяс,

Ёрдысьяс 1:29

Ефрем чужанкотыр эз вӧтлы Гезерын олысь ханаансаясӧс. Ханаансаяс кольччисны овны на пӧвстӧ Гезерӧ [да мынтісны налы вот].

Ёрдысьяс 4:2

Господь сетіс найӧс Хацорын юралысь ханаанса Явин ӧксы киӧ. Сылӧн тышкайӧзнас веськӧдліс Сисар, коді оліс Харошет-Гоим карын.

Ёрдысьяс 5:19

Ӧксыяс локтісны вермасьны, Танакын, мегиддоса ваяс дорын, тышкасисны, но ханаанса ӧксыяслы эзысь эз вичмы.

Ёрдысьяс 9:20

А энӧ кӧ веськыда вӧчӧй, Авимелексянь мед петас би да ньылыштас Сикем да Бет-Милло каръясын олысьясӧс, и мӧдарӧ, Сикем да Бет-Милло каръясын олысьяссянь мед петас би да ньылыштас Авимелекӧс!»

Ёрдысьяс 9:6

Сикем да Бет-Милло каръясысь йӧз чукӧртчисны да мунісны Сикем кардорса тупу дорӧ. Сэні найӧ пуктісны Авимелекӧс ӧксыӧ.