Ӧксыяслӧн 3 небӧг 8:58 - Коми Библия 2023

⁵⁸ Мед бергӧдас миянлысь сьӧлӧмнымӧс Асланьыс, медым ми ветлім Сылӧн туйясӧд да олім Сылӧн индӧд-тшӧктӧмъяс серти, мый Сійӧ сетіс миян батьяслы.

Ӧксыяслӧн 3 небӧг 8:58 ပူးပေါင်းရင်းမြစ်များ

Ӧксыяслӧн 3 небӧг 8:59

Мед менам кевмысьӧмӧй, мый ме талун вайи Господь Еннымлы, лун и вой лоӧ Сы водзын. Мед Сійӧ быд кадӧ отсалас меным, Аслас кесйӧглы, да Аслас Израиль войтырлы.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Индӧд 4:45

Сійӧ висьталіс налы индӧд-тшӧктӧмъяссӧ Египетысь петӧм бӧрын [овтӧминын],

Индӧд 6:1

«Господь, тіян Енныд, тшӧктіс велӧдны тіянӧс индӧд-тшӧктӧмъясӧ, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Филипӧ 2:13

Ӧд Ачыс Енмыс уджалӧ тіян пытшкын, медым ті кӧсйинныд вӧчны да вӧчинныд Сылӧн бур кӧсйӧмыс серти.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Нав Исус 24:23

Исус шуис: «Сідзкӧ, эновтчӧй мукӧд енъясысь да став сьӧлӧмсяньныд бергӧдчӧй Израильлӧн Господь Ен дінӧ».