Ӧксыяслӧн 3 небӧг 8:56 - Коми Библия 2023

⁵⁶ «Ошкӧм Господь Енлы, коді сетіс Аслас Израиль войтырлы лӧнь олӧм, кыдзи и кӧсйысис. Сійӧ збыльмӧдіс став бур кӧсйысьӧмсӧ, мый шуліс Аслас Мӧисей кесйӧг пыр.

Ӧксыяслӧн 3 небӧг 8:56 ပူးပေါင်းရင်းမြစ်များ

Ӧксыяслӧн 4 небӧг 10:10

Тӧдӧй, мый Ахав рӧд йылысь Господьлӧн быд висьталӧм кыв инас. Господь збыльмӧдіс ставсӧ, мый шуліс Аслас Илля кесйӧг пыр».

1 Каднебӧг 16:36

Ошкӧм Господьлы, Израильлӧн Енлы, нэмъяс чӧж! Став войтырыс шуис: «Аминь!» да ошкис Господьӧс.

1 Каднебӧг 22:9

Но тэнад чужас пи, сійӧ лоас лӧня олысь морт. Ме доръя сійӧс став кытшалысь вӧрӧгысь. Сылӧн нимыс лоӧ Соломон, сылӧн веськӧдлан кадӧ Ме сета Израильлы лӧнь олӧм да шойччӧг.

2 Каднебӧг 14:6

Сійӧ воясӧ, кор Господь сетіс шойччӧг Иуда мулы, и сэні эз вӧвны тышъяс, Аса лэптіс изкаръяс.

Петӧм 18:10

Иофор шуис: «Ошкӧм Господьлы, коді мездіс тіянӧс египетсаясысь да фараон киысь.

Лука 21:33

Енэжыс да муыс бырас, а Менам кывъясӧй оз бырны.

Индӧд 12:10

Ті вуджанныд Йӧрдан ю сайӧ да овмӧдчанныд сійӧ муас, мый Господь, тіян Енныд, сетас тіянлы пыр кежлӧ. Сійӧ сетас тіянлы лӧнь олӧм, тіян гӧгӧр олысь вӧрӧгъясысь видзас. Ті кутанныд сэні повтӧг овны.

Индӧд 12:12

Гажӧдчӧй Господь Енныд водзын ныв-пиныдкӧд, кесйӧгъясныдкӧд, а сідзжӧ левитъяскӧд, кодъяс олӧны тіян карын, ӧд налӧн абу му юкӧныс тіян пӧвстын.

Индӧд 3:20

Кор Господь [Ен] тіянлы моз сетас вокъясныдлы лӧня овны, и найӧ босьтасны Йӧрдан сайысь мусӧ, мый Господь, тіян Енныд, сетас налы, сэки ті бӧр локтӧй сійӧ муас, мый ме сеті тіянлы”.

Ӧксыяслӧн 1 небӧг 3:19

Самуил быдмис, Господь вӧлі сыкӧд. Ставсӧ, мый сійӧ висьтавліс Господь нимсянь, Господь збыльмӧдіс.