Ӧксыяслӧн 3 небӧг 8:47 - Коми Библия 2023

⁴⁷ и сэні кӧ найӧ сьӧлӧмсяньныс бергӧдчасны да Тэ водзын кевмысьӧмӧн висьтасясны, ми пӧ мыжмим, лёксӧ да мыжсӧ вӧчим,

Ӧксыяслӧн 3 небӧг 8:47 ပူးပေါင်းရင်းမြစ်များ

Ӧксыяслӧн 3 небӧг 8:33

Тэнад Израиль войтырыд кӧ Тэныд паныд мыж вӧчас да та вӧсна вӧрӧг пасьвартас найӧс, а сэсся кӧ найӧ шыасясны Тэ дінӧ, кутасны нимӧдны Тэнӧ да корны-кевмыны Тэ водзын тайӧ крамас,

2 Каднебӧг 6:37

и сэні кӧ найӧ сьӧлӧмсяньныс бергӧдчасны да Тэ водзын кевмысьӧмӧн висьтасясны, ми пӧ мыжмим, лёксӧ да мыжсӧ вӧчим,

Неемий 9:2

Израиль войтыр торйӧдчис мукӧд войтыръясысь. Найӧ сувтісны да висьтасисны асланыс мыжъясысь да батьясныслӧн мыжъясысь.

Псалтыр 106:6

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Езекиль 16:61

Кор Самария да Содом, ыджыд да ичӧт чойясыд, локтасны тэ дінӧ, тэныд тӧд вылад усяс аслад олан туйыд, и тэныд лоӧ юръяндзим. Ме сета чойястӧ тэныд нывъяс пыдди сы вылӧ видзӧдтӧг, мый тайӧ эз пыр Менам тэкӧд кӧрталӧм йитӧдӧ.

Езекиль 16:63

Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Езекиль 18:28

Сійӧ кӧ бергӧдчас аслас мыжысь, сійӧ оз кув, а кутас овны.

Аггей 1:7

Господь Саваоф тадзи висьталӧ: – Видзӧдлӧй, кыдзи ті оланныд!

Закар 10:9

Ме разӧді найӧс мукӧд войтыръяс пӧвстӧ, но ылі муясын найӧ казьтыштасны Менӧ. Найӧ ловйӧн колясны асланыс челядькӧд, бӧр локтасны накӧд.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.