Ӧксыяслӧн 3 небӧг 8:44 - Коми Библия 2023

⁴⁴ Тэнад тшӧктӧм серти кӧ Тэнад войтырыд тышӧ петас вӧрӧглы паныд, кутас кевмысьны Тэныд, Господьӧй, да бергӧдчас Тэнад бӧрйӧм карлань да крамлань, мый ме лэпті Тэныд,

Ӧксыяслӧн 3 небӧг 8:44 ပူးပေါင်းရင်းမြစ်များ

Ӧксыяслӧн 2 небӧг 5:19

Давид шыасис Господь дінӧ да юаліс: «Петны-ӧ меным филистимсаяслы паныд тышӧ? Сетан-ӧ Тэ найӧс менам киӧ?» Господь вочавидзис: «Пет. Ме сета филистимсаясӧс тэнад киӧ».

Ӧксыяслӧн 2 небӧг 5:23

Давид шыасис Господь дінӧ. [Шуис: «Петны-ӧ меным филистимсаяслы паныд тышӧ? Сетан-ӧ найӧс менам киӧ?»] Господь шуис: «Воча налы эн пет. Кытшав найӧс бӧрсяньныс да матыстчы на дінӧ пуяс сайсянь.

Ӧксыяслӧн 3 небӧг 8:16

”Ассьым Израиль войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. [А ӧні Ме бӧрйи Ерусалим кар, медым сэні вӧлі Менам нимӧй.] Ме бӧрйи Давидӧс, медым сійӧ веськӧдліс Менам Израиль войтырӧн”.

Ӧксыяслӧн 3 небӧг 8:45

сэки Тэ кыв налысь корӧм-кевмӧмсӧ енэжсяньыд да отсав налы.

2 Каднебӧг 18:31

Кор тарантаса тышкайӧзӧн веськӧдлысьяс аддзисны Иосафатӧс, чайтісны, мый сійӧ израильса ӧксы. Найӧ кытшалісны сійӧс, медым уськӧдчыны сы вылӧ. Но Иосафат кутіс горзыны, и Господь отсаліс сылы. Енмыс ылыстіс найӧс сы дінысь.

2 Каднебӧг 20:5

Иосафат сувтіс Иудаысь да Ерусалимысь локтӧм-чукӧртчӧм войтыр водзӧ, Господьлӧн крамса выль йӧрӧ.

2 Каднебӧг 32:20

Езекей ӧксы да Исай пророк, Амослӧн пиыс, кевмысисны да горзӧмӧн корисны отсӧг енэжсяньыс.

2 Каднебӧг 6:34

Тэнад тшӧктӧм серти кӧ Тэнад войтырыд тышӧ петас вӧрӧглы паныд, кутас кевмысьны Тэныд да бергӧдчас Тэнад бӧрйӧм карлань да крамлань, мый ме лэпті Тэныд,

Даниил 6:10

Кор Даниил тӧдмаліс, мый ӧксы сетӧма татшӧм тшӧктӧм, сійӧ муніс гортас да кайис вылыс вежӧсас, кӧні ӧшиньясыс видзӧдісны Ерусалимлань. Воддза мозыс куимысь луннас сійӧ пидзӧсчанясьӧмӧн кевмысис аслас Енлы да ошкис Сійӧс.

Ёрдысьяс 4:6

Девора мӧдӧдіс корны Авиноамлысь Варак писӧ Кедеш карысь, Неффалим чужанкотырлӧн муысь. Сійӧ шуис Вараклы: «Господь, Израильлӧн Ен, тшӧктӧ тэныд: ”Мун кай Тавор керӧс вылӧ. Босьт аскӧдыд Неффалим да Завулон чужанкотыръяс пӧвстысь дас сюрс мортӧс.

Ёрдысьяс 6:14

Гедеон вылӧ видзӧдлӧмӧн Господь шуис: «Тэнад эм вын. Мун да мезды Израильӧс мадианса киысь. Ме мӧдӧда тэнӧ».

Ӧксыяслӧн 1 небӧг 15:18

Господь мӧдӧдіс тэнӧ тыш вылӧ. Сійӧ тшӧктіс уськӧдчыны мыж вӧчысь амаликъяс вылӧ да дзикӧдз бырӧдны найӧс.

Ӧксыяслӧн 1 небӧг 15:3

Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».

Ӧксыяслӧн 1 небӧг 30:8

Давид шыасис Господь дінӧ да юаліс: «Вӧтчыны-ӧ меным тайӧ мырддялысь-пазӧдысьяс бӧрся? Суӧда-ӧ ме найӧс?» Господь вочавидзис: «Вӧтчы. Тэ суӧдан и мездан ассьыд йӧзтӧ».