Ӧксыяслӧн 3 небӧг 8:35 - Коми Библия 2023

³⁵ Израиль войтырлӧн Тэныд паныд мыж вӧчӧм вӧсна кӧ енэжыс оз сет зэрсӧ, но сэсся кӧ найӧ кевмысясны тайӧ крамас, нимӧдасны Тэнӧ да бергӧдчасны мыжсьыныс, мыйысь Тэ мыждін найӧс,

Ӧксыяслӧн 3 небӧг 8:35 ပူးပေါင်းရင်းမြစ်များ

Ӧксыяслӧн 2 небӧг 24:10

Войтырсӧ арталӧм бӧрын Давидлы сьӧкыд лои сьӧлӧм вылас. Сійӧ шуис Господьлы: «Ме, Тэнад кесйӧг, мыжа сыысь, мый лыдди войтырӧс. Кора Тэнӧ, Господьӧй, вешты ме вылысь мыжӧс. Ме мывкыдтӧг вӧчи».

Ӧксыяслӧн 2 небӧг 24:13

Гад локтіс сы дінӧ да висьталіс ставсӧ. Шуис: «Бӧрйы. Лоас-ӧ сизим во чӧж тшыгъялӧм тэнад муын? Кутан-ӧ тэ куим тӧлысь чӧж пышъявны вӧрӧгъясысь, кодъяс пондасны вӧтлысьны тэ бӧрся? Либӧ кутас-ӧ куим лун чӧж тэнад муын ыджыдавны пӧрӧс висьӧм? Мӧвпышт да шу меным, мый висьтавны менӧ Мӧдӧдысьлы».

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 8:33

Тэнад Израиль войтырыд кӧ Тэныд паныд мыж вӧчас да та вӧсна вӧрӧг пасьвартас найӧс, а сэсся кӧ найӧ шыасясны Тэ дінӧ, кутасны нимӧдны Тэнӧ да корны-кевмыны Тэ водзын тайӧ крамас,

Ӧксыяслӧн 3 небӧг 8:34

сэки Тэ кыв енэжсяньыд да прӧстит Израиль войтырыдлысь мыжсӧ. Бӧр бергӧд найӧс сійӧ муас, мый Тэ сетін налӧн батьяслы.

2 Каднебӧг 6:24

Тэнад Израиль войтырыд кӧ Тэныд паныд мыж вӧчас да та вӧсна вӧрӧг пасьвартас найӧс, а сэсся кӧ найӧ шыасясны Тэ дінӧ, кутасны нимӧдны Тэнӧ да корны-кевмыны Тэ водзын тайӧ крамас,

2 Каднебӧг 6:26

Израиль войтырлӧн Тэныд паныд мыж вӧчӧм вӧсна кӧ енэжыс оз сет зэрсӧ, но сэсся кӧ найӧ кевмысясны тайӧ крамас, нимӧдасны Тэнӧ да бергӧдчасны мыжсьыныс, мыйысь Тэ мыждін найӧс,

Иов 12:15

Дугӧдас кӧ зэрсӧ – ставыс косьмас, пондас кӧ дугдывтӧг кисьтны – муыс ойдас.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Исай 9:13

Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.

Езекиль 14:13

«Морт пиӧй, кутшӧмкӧ муын олысьяс кӧ Меным паныд мыж вӧчасны да эновтасны Менӧ, сэки Ме на вылӧ киӧс лэпта. Ме мырддя налысь няньсӧ, мӧдӧда налы тшыгъялӧм, бырӧда сэтысь став йӧзсӧ да ыж-мӧссӧ.

Осий 14:1

Самарияӧс лоӧ мыждӧма, ӧд сійӧ кыпӧдчис аслас Енлы паныд. Сылӧн йӧзыс усясны шыпурт помысь, кагаяссӧ налысь виаласны, нӧбасьысьяслысь кынӧмсӧ вожӧдасны.

Левит 26:19

Тіянлысь пыксьӧм-асныралӧмнытӧ Ме песовта. Вӧча сідзи, мый тіян весьтын енэжыс кӧрт кодь лоӧ, а муныд – ыргӧн кодь.

Аггей 1:10

Та вӧсна енэжыс оз сет тіянлы зэрсӧ, муыс оз сет быдтассӧ.

Закар 14:17

А войтырлы, коді оз лок Ерусалимӧ юрбитны Ӧксылы, Господь Саваофлы, Сійӧ оз сет зэрсӧ.

Малакий 3:10

– Став дасӧд юкӧннытӧ вайӧй видзанінъясӧ, медым Менам керкаын вӧлі сёян. Татшӧм ногӧн тӧдмалӧй Менӧ, – висьталӧ Господь Саваоф. – Ме ӧмӧй ог восьт тіянлы енэжвыв ӧшиньяссӧ, ог ӧмӧй лышкыда кисьт тіян вылӧ бурсиӧмсӧ?

Лука 4:25

Збыльысь висьтала тіянлы: Илля пророк дырйи куим во да джын зэр тусь эз усьлы енэжсьыс, та вӧсна унаӧн тшыгъялісны му пасьталаыс. Сэки уна дӧва вӧлі Израильын.

Римӧ 10:9

Ӧд вомнад кӧ висьталан Исусӧс Господьӧн да сьӧлӧмнад кӧ эскан, мый Енмыс ловзьӧдіс Сійӧс кулӧмысь, мездман.

Римӧ 15:9

Кристос локтіс кесъявны тшӧтш мукӧд войтыръяслы, мед и найӧ вермисны ошкыны Енсӧ на дінӧ буралӧмысь. Та йылысь гижӧма: – Та вӧсна ме кута нимӧдны Тэнӧ мукӧд войтыръяс пӧвстын, кута сьылӧмӧн ошкыны Тэнсьыд нимтӧ.

Индӧд 11:16

Видзчысьӧй, медым сьӧлӧмныд эз ылав. Веськыд туйсьыс энӧ кежӧй, мукӧд енъяслы энӧ кесъялӧй да энӧ юрбитӧй.

Индӧд 11:17

Тадзи кӧ вӧчанныд, сэки Господьлӧн скӧрлуныс ыпнитас тіян вылӧ, и Сійӧ тупкас енэжсӧ, оз сет зэрсӧ. Муыс оз сет быдтассӧ, и ті регыдъя кадӧн быранныд сійӧ бур му вывсьыс, мый Господь сетас тіянлы.

Индӧд 28:12

Господь восьтас тіянлы Ассьыс енэжвывса озырлун видзанінсӧ, медым ас кадӧ мӧдӧдны тіян му вылӧ зэр да бурсины тіянлысь став уджнытӧ. Ті верманныд уна войтырлы уджйӧзӧн сетны, но водзӧсӧн онӧ кутӧй босьтны. [Ті кутанныд ыджыдавны войтыръяс вылын, но тіян вылын найӧ оз кутны ыджыдавны.]

Восьтӧм 11:6

Тайӧ висьталысьясыслӧн эм вын тупкыны енэжсӧ, медым пророкаліганыс эз зэр. Налӧн эм вын пӧртны васӧ вирӧ да тшыкӧдны мусӧ быдпӧлӧс бырӧданторнас, кор сӧмын кӧсъясны.