Ӧксыяслӧн 3 небӧг 8:32 - Коми Библия 2023

³² сэки Тэ кыв енэжсяньыд да веськыда мыжды ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

Ӧксыяслӧн 3 небӧг 8:32 ပူးပေါင်းရင်းမြစ်များ

Ӧксыяслӧн 2 небӧг 22:21

Господь меным бурӧн мынтысис веськыда вӧчӧмысь, сетіс меным тырдон сӧстӧма олӧмысь,

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Ӧксыяслӧн 3 небӧг 2:33

Тайӧ кык мортлысь вирсӧ кисьтӧмысь мыжыс мед пыр кежлӧ коляс Йоав вылӧ да сысянь чужысьяс вылӧ. А Давидӧс да сысянь чужысьясӧс, сылысь рӧдсӧ да сылысь юралӧмсӧ мед пыр кытшалас Господьлӧн лӧньлуныс».

Эсфир 9:25

Но кор Эсфир локтіс ӧксы водзӧ, ӧксы тшӧктіс гижны выль гижӧд, медым лёкыс, мый Аман кӧсйис вӧчны иудейяслы, сылы аслыс бергӧдчас, и медым сійӧс пияныскӧд ӧшӧдасны пу сюръя вылӧ.

Псалтыр 7:9

Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.

Петӧм 23:7

Эн ылӧдчы. Мыжтӧмӧс да веськыда олысьӧс кулӧм вылӧ эн мыжды, ӧд ылӧдчысьӧс Ме мыжда.

Петӧм 34:7

Ме видза [веськыдлунсӧ да восьта] буралӧмсӧ сюрс чужанвужйӧдз, прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь да водзӧ чужысьяслысь коймӧд да нёльӧд чужанвужйӧдз».

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Шусьӧгъяс 17:15

Лёк вӧчысьӧс дорйысь да мыжтӧм мортӧс мыждысь – Господьлы зывӧктанаӧсь.

Исай 45:25

А Израильсянь чужысьясӧс Господь вӧчас веськыдӧн, и найӧ кутасны ошйысьны Сыӧн.

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Езекиль 18:30

Израиль войтыр, Ме кута мыждыны тіянӧс олан туйныд серти, – висьталӧ Господь Ыджыдыс. – Бергӧдчӧй мыжъяссьыныд, медым энӧ крукасьӧй мыжныд понда.

Езекиль 9:10

Та вӧсна Ме ог жалит найӧс, ог бурсьӧлӧмтчы на дінӧ. Ме мынтыся налы олан туйныс серти».

Лыд 5:27

Ань кӧ пежаліс асьсӧ да пӧръяліс верӧссӧ, сэки ёрӧмсӧ вайысь курыд ваыс кутас сьӧкыда мучитны сійӧс. Аньлӧн кынӧмыс пыктас да гырк пытшкӧсыс нёпмунас. Аслас войтыр пӧвстын аньыс лоӧ ёрӧмаӧн.

Римӧ 2:13

Ен водзын веськыдӧсь абу Индӧдсӧ кывлысьяс, а сы серти олысьяс.

Римӧ 7:9

Водзынсӧ ме олі Индӧдсӧ тӧдтӧг, но тшӧктӧмсӧ кылі да, мыжыс ловзис,

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.

Ӧксыяслӧн 1 небӧг 2:25

Морт кӧ мыжмас морт водзын, сэки сы вӧсна верман кевмысьны Енлы. А мыжмас кӧ Господь водзын, сэки коді лоӧ сылы дорйысьнас?» Но пияныс эз кывзыны батьсӧ, ӧд Господьлӧн вӧлі шуӧма нин бырӧдны найӧс.