Ӧксыяслӧн 3 небӧг 8:29 - Коми Библия 2023

²⁹ Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

Ӧксыяслӧн 3 небӧг 8:29 ပူးပေါင်းရင်းမြစ်များ

Ӧксыяслӧн 3 небӧг 11:13

но ог ставнас. Ерусалим кар вӧсна, мый Ме бӧрйи, да Аслам Давид кесйӧгӧй вӧсна Ме коля пиыдлы ӧти чужанкотыр».

Ӧксыяслӧн 3 небӧг 11:36

Соломонлӧн пиыслы коля ӧти чужанкотыр, медым Менам Давид кесйӧгсянь чужысь юралас нэмъяс чӧж Ме водзын Ерусалим карын, мый Ме бӧрйи Аслым, медым сэні вӧлі Менам нимӧй.

Ӧксыяслӧн 3 небӧг 14:21

Соломонлӧн Ровоам пиыс ӧксыаліс Иуда муын. Ӧксыӧ пуксигас Ровоамлы вӧлі нелямын ӧти арӧс. Дас сизим во чӧж сійӧ юраліс Ерусалим карын. Израильса чужанкотыръяслӧн каръясысь Господь бӧрйис тайӧ карсӧ, медым сэні вӧлі Сылӧн нимыс. Ровоамлӧн мамыс вӧлі аммон войтырысь Наама.

Ӧксыяслӧн 3 небӧг 8:16

”Ассьым Израиль войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. [А ӧні Ме бӧрйи Ерусалим кар, медым сэні вӧлі Менам нимӧй.] Ме бӧрйи Давидӧс, медым сійӧ веськӧдліс Менам Израиль войтырӧн”.

Ӧксыяслӧн 3 небӧг 8:43

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

Ӧксыяслӧн 3 небӧг 8:52

Енмӧй, эн вешты синтӧ аслад кесйӧг да Аслад Израиль войтыр вылысь, [веськӧд пельтӧ налань,] кыв налысь корӧм-кевмӧмсӧ, кор найӧ шыасясны Тэ дінӧ.

Ӧксыяслӧн 3 небӧг 9:3

Господь шуис сылы: «Ме кылі тэнсьыд кевмысьӧмтӧ да корӧмтӧ [и ставсӧ вӧчи тэнад кевмӧм-корӧм серти]. Тайӧ крамсӧ, мый тэ лэптін, Ме вежӧді, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

Ӧксыяслӧн 4 небӧг 19:16

Господьӧй, копырт Ассьыд пельтӧ да кывзы [менӧ]. Господьӧй, восьт Ассьыд синтӧ да видзӧдлы. Кыв Сеннахиримлысь кывъяссӧ – сійӧ омӧльтӧ Тэнӧ, ловъя Енмӧс.

Ӧксыяслӧн 4 небӧг 21:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін.

Ӧксыяслӧн 4 небӧг 21:7

Манассей вӧчӧдіс Астарта бӧлбанӧс да сувтӧдіс сійӧс крамӧ, мый йылысь Господь шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

Ӧксыяслӧн 4 небӧг 23:27

Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».

2 Каднебӧг 16:9

Господьлӧн синмыс аддзӧ ставнас мусӧ. Сійӧ вынсьӧдӧ найӧс, кодъяслӧн сьӧлӧмныс йитчӧма Сыкӧд. Тэ вӧчин мывкыдтӧма, та вӧсна ӧнісянь тэнад муын лоӧны тышъяс».

2 Каднебӧг 20:8

Найӧ овмӧдчисны татчӧ да лэптісны крам, медым сэні вӧлі Тэнад нимыд. Найӧ шуисны:

2 Каднебӧг 33:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін нэмъяс чӧж.

2 Каднебӧг 33:7

Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

2 Каднебӧг 6:20

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

2 Каднебӧг 6:40

Енмӧй, Тэнад синмыд мед аддзас, Тэнад пельыд мед кылас тайӧ крамас кевмысьӧмсӧ.

Неемий 1:6

Видзӧдлы да веськӧд пельтӧ, медым кывны Аслад кесйӧглысь кевмӧмсӧ. Лун и вой ме кевмыся Тэ водзын Израиль войтыр вӧсна, Тэнад кесйӧгъяс вӧсна. Ме висьтася Израильлӧн мыжъясысь, кодъясӧс ми вӧчим Тэныд паныд. Ми ставным, тшӧтш ме да менам рӧдвужӧй, мыжаӧсь Тэ водзын.

Неемий 1:9

Но ті кӧ бӧр бергӧдчанныд Ме дінӧ, видзанныд кӧ Менсьым тшӧктӧмъясӧс да оланныд на серти, Ме чукӧрта тіянӧс, весиг вӧтлӧма кӧ лоӧ тіянӧс му помӧдзыс. Ме бӧр вайӧда тіянӧс Аслам нимӧйлы бӧрйӧм оланінӧ”.

Псалтыр 138:2

Тэ тӧдан, кор ме пукся и кор чечча. Тэ ылісянь на тӧдан менсьым мӧвпъясӧс.

Псалтыр 34:15

А кор ме крукасьлі, найӧ ӧтув чукӧртчӧмӧн нимкодясисны. Ӧтвыв сёрнитчӧмӧн найӧ дугдывтӧг лёкӧдісны менӧ, и мыйысь – ог тӧд,

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Даниил 6:10

Кор Даниил тӧдмаліс, мый ӧксы сетӧма татшӧм тшӧктӧм, сійӧ муніс гортас да кайис вылыс вежӧсас, кӧні ӧшиньясыс видзӧдісны Ерусалимлань. Воддза мозыс куимысь луннас сійӧ пидзӧсчанясьӧмӧн кевмысис аслас Енлы да ошкис Сійӧс.

Даниил 9:18

Енмӧй, копырт Ассьыд пельтӧ да кывзы, восьт Ассьыд синтӧ да видзӧдлы пазӧдӧм карным вылӧ, мый сиӧма Тэнад нимлы. Ми кевмысям Тэныд огӧ асланым веськыдлун вылӧ лача кутӧмӧн, а Тэнад ыджыд буралӧмыд вылӧ лача кутӧмӧн.

Закар 12:4

Сійӧ лунӧ, – висьталӧ Господь, – Ме дурмӧда вӧрӧглысь вӧвъяссӧ, а вӧв вылын пукалысьяссӧ йӧймӧда. Иудаӧс ог лэдзлы син улысь, а паныд сувтысь войтыръяслысь вӧвъяссӧ синтӧммӧда.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 12:14

Кутшӧм чужанкотырлӧн муын Господь [тіян Енныд] бӧръяс места, сэні вайӧй сотан висьяснытӧ. Сэні вӧчӧй ставсӧ, мый ме [талун] тшӧкта.

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Индӧд 16:2

Вайӧй Господьлы, асланыд Енлы, ыджыдлунся вись пыдди ыж-кӧзаӧс да ӧш-мӧскӧс. Начкӧй висьсӧ сійӧ местаас, мый Господь бӧръяс Аслас нимлы оланінӧн.

Индӧд 16:6

а позьӧ начкыны сӧмын сійӧ местаас, мый Господь, тіян Енныд, бӧръяс Аслас нимлы оланінӧн. Начкӧй ыджыдлунся висьтӧ рытнас шонді пуксигӧн, дзик сійӧ кадас, кор ті петінныд Египетысь.

Индӧд 26:2

сэки став быдтасысь чуктӧдӧй медводдза босьтӧмторнытӧ. Пукты медводдза босьтӧмтортӧ кудйӧ да мун сійӧ местаас, мый Господь, тэнад Енмыд, бӧръяс Аслас нимлы оланінӧн.