Ӧксыяслӧн 3 небӧг 8:16 - Коми Библия 2023

¹⁶ ”Ассьым Израиль войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. [А ӧні Ме бӧрйи Ерусалим кар, медым сэні вӧлі Менам нимӧй.] Ме бӧрйи Давидӧс, медым сійӧ веськӧдліс Менам Израиль войтырӧн”.

Ӧксыяслӧн 3 небӧг 8:16 ပူးပေါင်းရင်းမြစ်များ

Ӧксыяслӧн 3 небӧг 11:36

Соломонлӧн пиыслы коля ӧти чужанкотыр, медым Менам Давид кесйӧгсянь чужысь юралас нэмъяс чӧж Ме водзын Ерусалим карын, мый Ме бӧрйи Аслым, медым сэні вӧлі Менам нимӧй.

Ӧксыяслӧн 3 небӧг 8:29

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

Ӧксыяслӧн 4 небӧг 23:27

Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».

1 Каднебӧг 17:3

Но войнас Нафанлы вӧлі Енсянь кыв:

1 Каднебӧг 28:4

Господь, Израильлӧн Ен, бӧрйис менӧ батьлӧн рӧдысь да пыр кежлӧ пуктіс Израильлӧн ӧксыӧ. Став чужанкотырыс пӧвстысь Сійӧ бӧрйис Иудаӧс да пуктіс сійӧс юралысьӧ, Иуда чужанкотыр пӧвстысь бӧрйис менам батьлысь рӧдсӧ, а менам батьлӧн пиян пӧвстысь ме вои Сылы сьӧлӧм вылас, и Сійӧ пуктіс менӧ ӧксыӧ Израильлы.

Неемий 1:9

Но ті кӧ бӧр бергӧдчанныд Ме дінӧ, видзанныд кӧ Менсьым тшӧктӧмъясӧс да оланныд на серти, Ме чукӧрта тіянӧс, весиг вӧтлӧма кӧ лоӧ тіянӧс му помӧдзыс. Ме бӧр вайӧда тіянӧс Аслам нимӧйлы бӧрйӧм оланінӧ”.

Псалтыр 89:3

Керӧсъяс артмытӧдз, мусӧ да ентыкӧласӧ вӧчтӧдз Тэ вӧлін нин, Тэ эм Ен.

Еремей 7:12

Мунӧй Силомӧ сійӧ местаас, мый Ме водзынджык бӧрйи Аслам нимлы оланінӧн. Видзӧдлӧй, мый Ме вӧчи Силомкӧд Менам Израиль войтырлӧн лёк вӧчӧмыс вӧсна.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».