Ӧксыяслӧн 3 небӧг 7:40 - Коми Библия 2023

⁴⁰ Хирам вӧчис мыссян дозъяс, пӧим куралан зыръяс, вир резан тасьтіяс – Господьлӧн крамса став дозмук-кӧлуйсӧ, мый сылы тшӧктіс вӧчны Соломон ӧксы.

Ӧксыяслӧн 3 небӧг 7:40 ပူးပေါင်းရင်းမြစ်များ

Ӧксыяслӧн 3 небӧг 7:28

Джек дор пӧвъяссӧ пельӧсӧдыс вӧлі топӧдӧма дзавйӧн.

Ӧксыяслӧн 3 небӧг 7:39

Вит джексӧ сувтӧдіс крам веськыдладорӧ, а мӧд витсӧ – крам шуйгаладорӧ. Вайӧртӧдсӧ сувтӧдіс крам веськыдладорӧ – асыв-лунвывла бокӧ.

Ӧксыяслӧн 3 небӧг 7:41

Вӧчис кык ыджыд сюръя да сюръя йылас чаша сяма юръяс, найӧс кытшалӧм-вевттьӧм могысь чепъясысь вӧчис кык мичмӧдантор.

1 Каднебӧг 18:8

Тивхатысь да Кунысь, Ададезерлӧн каръясысь, Давид вайис зэв уна ыргӧн. Сыысь Соломон вӧчӧдіс вайӧртӧд, сюръяяс да дозмук-кӧлуй.

2 Каднебӧг 4:6

Соломон вӧчӧдіс дас ыджыд мыссян доз. Витсӧ сувтӧдісны вайӧртӧд веськыдладорас, а мӧд витсӧ – шуйгаладорас. Тайӧ дозъясас мыськалісны пемӧсъяслысь яйсӧ, мый дасьтісны сотан вись вайӧм вылӧ. А вайӧртӧдас мыссисны попъяс.

2 Каднебӧг 4:8

Соломон вӧчӧдіс дас пызан. Найӧс сувтӧдісны крамӧ, витсӧ – веськыдладорас, а мӧд витсӧ – шуйгаладорас. Нӧшта зарниысь вӧчисны вир резан сё тасьті.

Петӧм 24:6

Ӧшъяслысь вирсӧ Мӧисей юкис кык пельӧ: ӧти джынсӧ кисьталіс тасьтіясӧ, а мӧд джыннас резіс висьпуктанін.

Петӧм 27:3

Вӧч пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧч ыргӧнысь.