Ӧксыяслӧн 3 небӧг 7:29 - Коми Библия 2023

²⁹ Джек дор пӧвъясас да дзавъяс вылас вӧлі серпасалӧма левъясӧс, ӧшъясӧс да херувимъясӧс, а левъяс да ӧшъяс весьтас вылысяньыс да улысяньыс вӧлі серлӧдлӧма гартчан быдмӧг.

Ӧксыяслӧн 3 небӧг 7:29 ပူးပေါင်းရင်းမြစ်များ

Олӧм 3:24

Мортӧс вӧтлӧм бӧрын Ен сувтӧдіс Эдэм сад йӧр асыввылӧ херувимъясӧс да бергалысь биа шыпурт, медым видзны туйсӧ олӧмыслӧн пу дінӧ.

Ӧксыяслӧн 3 небӧг 6:27

Соломон сувтӧдіс херувимъясӧс Вежасьыс-вежаинӧ. Налӧн бордъясыс вӧлі шевкнитчӧмаӧсь: ӧтиыслӧн ӧти бордйыс инмис крамлӧн ӧтар стенмас, мӧдыслӧн – мӧдар стенмас, а мӧд борднас найӧ йитчисны ӧта-мӧдныскӧд.

Ӧксыяслӧн 3 небӧг 7:25

Вайӧртӧдыс сулаліс дас кык ӧш вылын: куим ӧшкыс видзӧдісны войвылӧ, куимыс – рытыввылӧ, куимыс – лунвылӧ, и куимыс – асыввылӧ. Ӧшъяслысь бекнысӧ вӧлі веськӧдӧма вайӧртӧд шӧрлань, на вылӧ и мыджсис вайӧртӧдыс.

Ӧксыяслӧн 3 небӧг 7:28

Джек дор пӧвъяссӧ пельӧсӧдыс вӧлі топӧдӧма дзавйӧн.

Ӧксыяслӧн 3 небӧг 7:30

Быд джек сулаліс нёль ыргӧн гӧгыль вылын, гӧгыль тасъясыс тшӧтш вӧліны ыргӧнысь. Джеклӧн нёльнан пельӧсас вӧліны тшупӧдъяс, на вылын сулаліс мыссян дозйыс. Тшупӧдъяссӧ вӧлі сывдӧма ыргӧнысь да серлӧдлӧма гартчан быдмӧгӧн.

Петӧм 25:18

Вевт помъясӧ дор кык зарни херувимӧс.

Петӧм 37:7

Вевт помъясӧ дорис кык зарни херувимӧс.

Езекиль 1:10

Быдӧнлӧн вӧлі мортлӧн кодь чужӧм, веськыдладорас левлӧн кодь, шуйгаладорас ӧшлӧн кодь. Нӧшта быдӧнлӧн вӧлі кутшлӧн кодь чужӧм бӧрсяньыс.

Езекиль 10:14

Быд херувимлӧн вӧлі нёль чужӧм: херувим чужӧм, морт чужӧм, лев чужӧм да кутш чужӧм.

Осий 5:14

Лев моз Ме уськӧдча Ефрем вылӧ, том лев моз чеччышта Иуда чужанкотыр вылӧ. Ме косявла найӧс, пышйӧда кыйдӧсӧс моз, и некод найӧс оз мезды.

Еврейяслы 9:5

Куд вевт вылас сулалісны херувимъяс, Ен дзирдлуна анделъяс. Налӧн бордъясыс вевттисны куд вевтсӧ – мыж лэдзанінсӧ. Но унасӧ та йылысь ӧні огӧ кутӧй сёрнитны.

1 Петыр 2:5

да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

Восьтӧм 5:5

Сэки юрнуӧдысьяс пиысь ӧти шуис меным: «Эн бӧрд! Иуда чужанкотырысь, Давид чужанвужйысь Лев вермӧма! Сійӧ разяс тайӧ гижӧдсӧ да жугӧдас сизимнан печатьсӧ».