Ӧксыяслӧн 3 небӧг 7:26 - Коми Библия 2023

²⁶ Вайӧртӧдлӧн стенмыс вӧлі ки пыдӧс кызта, а дорышыс вӧлі чаша сяма, лилия дзоридз кодь. Сэтчӧ тӧрис кык сюрс бат мында ва.

Ӧксыяслӧн 3 небӧг 7:26 ပူးပေါင်းရင်းမြစ်များ

Ӧксыяслӧн 3 небӧг 6:18

Пытшкӧссяньыс крамсӧ ставнас вӧлі эжӧма сус пу пӧвъясӧн, весиг ӧти изтор эз тыдав. Сус пу пӧвъяс вылас вӧлі вундалӧмӧн серпасалӧма тыкваяс да дзоридзьяс.

Ӧксыяслӧн 3 небӧг 6:32

Олив пуысь вӧчӧм кык ӧдзӧс вылас вундалӧмӧн серпасаліс херувимъясӧс, пальма пуяс да дзоридзьяс. Ставсӧ эжис зарниӧн.

Ӧксыяслӧн 3 небӧг 6:35

На вылӧ тшӧтш вундалӧмӧн серпасаліс херувимъясӧс, пальма пуяс да дзоридзьяс, вылытіыс найӧс эжис зарниӧн.

Ӧксыяслӧн 3 небӧг 7:19

Посводзын сулалысь сюръяяслӧн юръясыс вӧліны нёль гырддза судта лилия дзоридз кодьӧсь.

Ӧксыяслӧн 3 небӧг 7:25

Вайӧртӧдыс сулаліс дас кык ӧш вылын: куим ӧшкыс видзӧдісны войвылӧ, куимыс – рытыввылӧ, куимыс – лунвылӧ, и куимыс – асыввылӧ. Ӧшъяслысь бекнысӧ вӧлі веськӧдӧма вайӧртӧд шӧрлань, на вылӧ и мыджсис вайӧртӧдыс.

Ӧксыяслӧн 3 небӧг 7:27

Хирам нӧшта вӧчис ыргӧнысь дас джек. Быд джек вӧлі нёль гырддза кузьта, нёль гырддза пасьта да куим гырддза судта.

Ӧксыяслӧн 3 небӧг 7:38

Хирам вӧчис ыргӧнысь дас мыссян доз. Быд дозйӧ тӧрис нелямын бат мында ва. Мыссян дозйыс вӧлі нёль гырддза ыджда. Быд джек вылын сулаліс ӧти мыссян доз.

2 Каднебӧг 4:5

Вайӧртӧдлӧн стенмыс вӧлі ки пыдӧс кызта, а дорышыс вӧлі чаша сяма, лилия дзоридз кодь. Сэтчӧ тӧрис куим сюрс бат мында ва.

Петӧм 25:25

Вӧч пызанлы ки пыдӧс судта дор, а сылысь дорышсӧ вӧч зарниысь.

Еремей 52:21

Быд сюръя вӧлі дас кӧкъямыс гырддза судта. А гӧгӧртны кӧ сюръясӧ, лоӧ дас кык гырддза. Сюръялӧн пытшкӧсыс вӧлі куш, а стенмыс вӧлі нёль чунь кызта.

Езекиль 45:11

Ыджданас ефа да бат мед вӧліны ӧткодьӧсь. Тайӧ кыкнан мурталан дозйӧ тӧрӧ хомерлӧн дасӧд пайыс. Хомерыс мед петкӧдлӧ ефалысь да батлысь йӧрыш ыдждасӧ.

Езекиль 45:14

Бӧчка мында олив выйысь колӧ вайны батлысь дасӧд пайсӧ. Ӧти хомерӧ моз ӧти бӧчкаӧ тӧрӧ дас бат.