Ӧксыяслӧн 3 небӧг 7:16 - Коми Библия 2023

¹⁶ Кыкнан сюръя йылас Хирам сывдӧмӧн вӧчис вит гырддза судта юр.

Ӧксыяслӧн 3 небӧг 7:16 ပူးပေါင်းရင်းမြစ်များ

Ӧксыяслӧн 3 небӧг 7:15

Хирам вӧчис ыргӧнысь кык ыджыд сюръя. Быд сюръя вӧлі дас кӧкъямыс гырддза судта, а медым сюръясӧ гӧгӧртны, колӧ вӧлі дас кык гырддза кузьта кӧв.

Ӧксыяслӧн 3 небӧг 7:17

Юр гӧгӧрыс ӧшліс чепъясысь вӧчӧм сизим мичмӧдантор.

Петӧм 36:38

Дӧрасӧ пысӧдъяснас ӧшӧдӧм могысь вӧчисны вит сюръя. Сюръя йывъяссӧ да йитвежъяссӧ эжисны зарниӧн. Сюръяяслы вӧчисны вит ыргӧн подув.

Петӧм 38:17

Сюръя подувъясыс вӧліны ыргӧнысь, сюръя пысӧдъясыс да йитвежъясыс – эзысьысь, а сюръя йывъяссӧ вӧлі эжӧма эзысьӧн. Йӧр сюръяяссӧ йитлісны эзысь йитвежъясӧн.

Петӧм 38:19

Медым йӧр пыранінӧ ӧшӧдны дӧра, вӧлі вӧчӧма нёль сюръя да сюръяяслы нёль ыргӧн подув. Сюръя йывъяссӧ вӧлі эжӧма эзысьӧн. Дӧра пысӧдъяс да йитвежъяс вӧліны эзысьысь.

Петӧм 38:28

Сюрс сизимсё сизимдас вит сикель эзысьысь вӧлі вӧчӧма сюръяяслы пысӧдъяс да йитвежъяс, эжӧма сюръя йывъяссӧ.

Еремей 52:22

Сюръя йылас вӧлі ыргӧнысь вӧчӧм юр, сылӧн судтаыс вӧлі вит гырддза. Юр гӧгӧрыс вӧліны чепъясысь вӧчӧм мичмӧданторъяс да гранат кодь сяръяс. Сюръяясыс вӧліны ӧткодьӧсь. Ставсӧ вӧлі вӧчӧма ыргӧнысь.