Ӧксыяслӧн 3 небӧг 7:14 - Коми Библия 2023

¹⁴ Сійӧ вӧлі Неффалим чужанкотырысь, дӧвалӧн пи. Батьыс сылӧн вӧлі ыргӧнысь вӧчасьысь. Хирам вӧлі зэв киподтуя, кужис вӧчавны ыргӧнысь быдсяматорсӧ. Хирам локтіс Соломон ӧксы дінӧ да вӧчис быд уджсӧ, мый сылы индыліс ӧксы.

Ӧксыяслӧн 3 небӧг 7:14 ပူးပေါင်းရင်းမြစ်များ

2 Каднебӧг 2:14

Сылӧн мамыс Дан рӧдысь, а батьыс сылӧн Тирысь. Сійӧ бура кужӧ вӧчасьны эзысь-зарниысь, ыргӧнысь, кӧртысь, изйысь да пуысь, бура кужӧ вӧчны пемыдгӧрд, гӧрдовлӧз да югыдгӧрд рӧма дӧра, тшӧтш вӧсни шабді дӧра. Сійӧ бура кужӧ вундалӧмӧн серпасавны да вӧчны быдпӧлӧс уджсӧ, мый сылы тшӧктасны. Сійӧ ӧтвыв кутас уджавны тэнад киподтуя йӧзкӧд да менам Давид ыджыдлӧн, тэнад батьыдлӧн, киподтуя йӧзкӧд.

2 Каднебӧг 2:6

Но коді вермас лэптыны Сылы керка, весиг кӧ енэжыс да енэжвывса енэжъясыс оз вермыны тӧрӧдны Сійӧс? Коді ме сэтшӧмыс, медым лэптыны Сылы керка? Ме верма сӧмын вись сотӧм могысь лэптыны Сылы керка.

2 Каднебӧг 4:11

Хирам вӧчис пӧим воръяс, пӧим куралан зыръяс да вир резан тасьтіяс [тшӧтш тшынӧдчан дозъяс да вись ваян дозъяс] – Енлӧн крамса став дозмук-кӧлуйсӧ, мый сылы тшӧктіс вӧчны Соломон ӧксы.

2 Каднебӧг 4:16

пӧим воръяс, пӧим куралан зыръяс да яй бергӧдлан вилаяс. Став дозмук-кӧлуйыс, мый Хирам-Ави вӧчис Соломон ӧксылы Господьлӧн крамӧ, вӧлі весалӧм-мольӧдӧм ыргӧнысь.

Петӧм 28:3

да вежӧдӧм могысь, ӧд сылы колӧ кесъявны Меным попӧн. Вӧчасьны кужысьяслы, кодъяслы Ме сеті мывкыдлун [да сюсьлун], тшӧкты вурны Ааронлы [вежа] паськӧм.

Петӧм 35:30

Мӧисей шуис Израиль пиянлы: «Тӧдӧй, мый Господь бӧрйис Иуда чужанкотырысь Хур Урилысь Безалел писӧ.

Петӧм 35:31

Господь тыртіс Безалелӧс Аслас Лолӧн, сетіс сылы мывкыдлун, вежӧр, тӧдӧмлун да кужӧмлун вӧчны быдпӧлӧс уджсӧ.

Петӧм 35:35

Господь сетіс налы мывкыдлун, медым найӧ [вежаин вӧчигӧн] кужисны вундасьны, серлӧдлӧмӧн кыны дӧра, серпасъясӧн мичмӧдны гӧрдовлӧз пемыдгӧрд, югыдгӧрд да вӧсни шабді шӧртъясысь кыӧм дӧраяс – вӧчны ставсӧ, мый кужӧны вӧчны киподтуя йӧз.

Петӧм 36:1

Безалел, Оголиав да вӧчасьны кужысьяс пиысь мукӧдыс, кодъяслы Господь сетіс мывкыдлун да вежӧр, медым вӧчасны Господьлӧн тшӧктӧм серти ставсӧ, мый колӧ вежаинын кесъялӧмлы».

Петӧм 36:8

Киподтуя йӧз вӧчисны вежа чомсӧ дас дӧраысь. Дӧраяссӧ найӧ кыисны путшкӧм шабді шӧртысь да гӧрдовлӧз, пемыдгӧрд да югыдгӧрд вурун шӧртъясысь, мичмӧдісны херувим серпасъясӧн.

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.