Ӧксыяслӧн 3 небӧг 6:5 - Коми Библия 2023

⁵ Крам ортсыас, Вежаин да Вежасьыс-вежаин стенъяс бердӧ, сійӧ вӧчис жыръяс.

Ӧксыяслӧн 3 небӧг 6:5 ပူးပေါင်းရင်းမြစ်များ

Ӧксыяслӧн 3 небӧг 6:16

Крам помас Соломон вӧчис вежӧс да торйӧдіс сійӧс сус пу пӧвъясысь вӧчӧм стенмӧн. Тайӧ пыді вежӧсыс вӧлі Вежасьыс-вежаин, сылӧн кузьтаыс вӧлі кызь гырддза.

Ӧксыяслӧн 3 небӧг 6:31

Вежасьыс-вежаинлысь кык ӧдзӧссӧ вӧчис олив пуысь. Ӧдзӧсъяссӧ вӧчис вит пельӧса куричӧн.

Ӧксыяслӧн 3 небӧг 6:6

Жыръясыс вӧліны ӧта-мӧд вылас куим судтаӧн. Улыс судтаыс вӧлі вит гырддза пасьта, шӧр судтаыс – квайт гырддза пасьта, вылыс судтаыс – сизим гырддза пасьта. Крам ортсы стенъяссянь чурвидзисны тшупӧдъяс. На вылӧ мыджсисны жыръяссӧ кутысь брусъясыс. Тадзи брусъяссӧ эз ковмы йитны крам стенмас.

1 Каднебӧг 23:28

Левитъяслы колӧ вӧлі отсасьны Ааронсянь чужысьяслы Господьлӧн крамын кесъялӧм дырйи, тӧждысьны крам йӧръяс да вежӧсъяс вӧсна, став вежаторсӧ сӧстӧммӧдӧм вӧсна да Енлӧн крамын кесъялӧм вӧсна.

1 Каднебӧг 28:11

Давид сетіс аслас Соломон пиыслы серпасъяс, мый серти колӧ вӧлі вӧчны крам посводз да дзоньнас крамсӧ, озырлун видзанінъяс, вылысса жыръяс, вежӧсъяс да Ен куд видзан вежаин.

1 Каднебӧг 9:26

Нёль левит, кодъяс кывкутісны дзиръя видзысьяслӧн удж вӧсна, тӧждысисны Ен крамлӧн вежӧсъяс да озырлун видзанінъяс вӧсна.

2 Каднебӧг 31:11

Езекей тшӧктіс дасьтыны Господьлӧн крамын вежӧсъяс. Тадзи и вӧчисны.

2 Каднебӧг 4:20

весалӧм зарниысь бикокъяс да би дозъяс, медым ӧзъялісны Вежасьыс-вежаин водзын, кыдзи индӧма.

2 Каднебӧг 5:7

Попъяс пыртісны Господьлысь Йитӧд кудсӧ крамлӧн пыді вежӧсӧ – Вежасьыс-вежаинӧ – да пуктісны сійӧс индӧм местаӧ херувимъяслӧн бордъяс улӧ.

2 Каднебӧг 5:9

Потшъясыс вӧліны сэтшӧм кузьӧсь, мый налысь помсӧ мортыс вермис аддзыны Вежасьыс-вежаин водзвылын ортсы вежӧсас сулалігӧн. Но ылыстчыны кӧ, потшъясыс эз тыдавны. Йитӧд кудйыс ӧнӧдз сэні сулалӧ.

Неемий 10:37

Миян Енлӧн крам видзанінъясӧ попъяслы ми пондам вайны выль быдтасысь медводдза пӧжалӧм сӧчӧн да мукӧд вайӧмторъяс, быдпӧлӧс пулысь вотӧс, вина да олив вый. Мувыв быдтасысь дасӧд юкӧныс лоӧ левитъяслы. Найӧ мед чукӧртасны сійӧс быд карын, кӧні вӧдитӧны муяс.

Неемий 12:44

Сійӧ жӧ лунӧ вӧлі индӧма йӧзӧс кывкутны крам видзанінъяс вӧсна, сэтчӧ пуктӧм дасӧд юкӧнъяс вӧсна, медводдза воӧм нянь да вотӧс вӧсна. Найӧ чукӧртісны видзанінъясӧ карса видз-муяс вылысь сійӧ пайсӧ, мый колӧ вӧлі Индӧд серти сетны попъяслы да левитъяслы. Иуда войтыр нимкодясис попъяс да левитъяс вӧсна,

Псалтыр 28:2

Ошкӧй Господьлысь нимсӧ, копыртчӧй Господь водзӧ Сылӧн мича вежаинын!

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Еремей 35:2

«Мун Рекав рӧд дінӧ, сёрнит накӧд да вайӧд найӧс Господьлӧн крамӧ. Сэні кутшӧмкӧ вежӧсын сет налы юны вина».

Еремей 35:4

Ме вайӧді найӧс Господьлӧн крамӧ, Ханан пиянлӧн вежӧсӧ. Ханан вӧлі Енлӧн морт, Игдалийлӧн пи. Вежӧсыс вӧлі юралысьяслӧн вежӧскӧд орччӧн, Маасей вежӧс весьтын. Маасей вӧлі Шаллумлӧн пи, коді видзис крамӧ пыранін.

Езекиль 40:17

Морт вайӧдіс менӧ ортсы йӧрӧ. Йӧр гӧгӧрыс вӧлі вольсалӧма изъяс, и сэні сулаліс керка, кӧні сьӧрсьӧн-бӧрсьӧн вӧлі комын жыр.

Езекиль 40:44

Пытшкӧс йӧрын, пыранінъяс сайын, вӧліны сьылысьяслы ӧти вежӧса керкаяс. Ӧти керкаыс вӧлі войвыв пыранін бердын, и сылӧн ӧдзӧсыс видзӧдіс лунвывлань. Мӧд керкаыс вӧлі лунвыв пыранін бердын, и сылӧн ӧдзӧсыс видзӧдіс войвывлань.

Езекиль 41:4

Водзӧ мурталіс пыді вежӧссӧ, кузьтанас и пасьтанас сійӧ вӧлі кызь гырддза. Пасьтанас сійӧ вӧлі медводдза вежӧс кодь. Морт шуис меным, тайӧ пӧ Вежасьыс-вежаин.

Левит 16:2

Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.

Лыд 7:89

Кор Мӧисей пыравліс вежа чомйӧ сёрнитны Господькӧд, сійӧ кывліс гӧлӧс шы Йитӧд куд вевт вывсянь кык херувим костысь. Тадзи Господь сёрнитіс Мӧисейкӧд.