Ӧксыяслӧн 3 небӧг 4:21 - Коми Библия 2023

²¹ Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Ӧксыяслӧн 3 небӧг 4:21 ပူးပေါင်းရင်းမြစ်များ

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Ӧксыяслӧн 2 небӧг 8:2

Давид пасьвартіс тшӧтш моавсаясӧс. Тыш помасьӧм бӧрын сійӧ водтӧдіс найӧс му вылас, босьтіс гез да мурталіс: быд кык гез кузьта мурталӧмаясӧс виис, а ӧти гез кузьта мурталӧмаясӧс ловйӧн колис. Моавсаяс лоисны Давидлы кесйӧгъясӧн, мынтісны сылы вот.

Ӧксыяслӧн 2 небӧг 8:6

Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.

Ӧксыяслӧн 3 небӧг 12:4

«Тэнад батьыд пуктіс миян вылӧ сьӧкыд сийӧс, но тэ кокньӧд миянлысь сьӧкыд уджнымӧс да босьт миян вылысь сийӧссӧ, мый батьыд пуктіс миян вылӧ. Сэки ми кутам кесъявны тэныд».

Ӧксыяслӧн 3 небӧг 3:13

Нӧшта Ме сета тэныд озырлун да нималӧм, мый тэ эн корлы. Тэнад олан лунъяс дырйи Тэ кодь ӧксыыс му вылас оз ло.

Ӧксыяслӧн 3 небӧг 4:22

Быд лун Соломонлы да сылӧн йӧзыслы вайлісны комын мешӧк шобді пызь да квайтымын мешӧк мукӧдпӧлӧс пызь,

Ӧксыяслӧн 3 небӧг 4:24

Соломон кипод улын вӧліны Ефрат ю таладор муяс – Типсахсянь Газаӧдз. Соломон ыджыдаліс сэтчӧс ӧксыяс вылын. Быдлаын, кӧні сійӧ ыджыдаліс, войтыръяс олісны лӧня.

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

2 Каднебӧг 17:5

Господь ёнмӧдіс сылысь юралӧмсӧ. Иуда войтыр вайисны Иосафатлы козинъяс. Иосафатлӧн вӧлі уна озырлун, сійӧ ёна нималіс.

2 Каднебӧг 32:23

Унаӧн вайисны Ерусалимӧ Господьлы вайӧмторъяс да иудаса Езекей ӧксылы дона козинъяс. Тайӧ кадсяньыс Езекей пондіс нимавны став войтыръяс пӧвстын.

Ездра 4:20

Ерусалим вылын ыджыдалӧмаӧсь вына ӧксыяс. На улын вӧлӧма став Авар-Нахара муыс, и сэтчӧс олысьясыс налы мынтылӧмаӧсь вот.

Псалтыр 68:29

Налысь нимъяссӧ мед лоӧ вуштӧма Олӧмыслӧн небӧгысь, найӧс мед оз ло гижӧма веськыда олысьяс лыдӧ.

Псалтыр 76:11

Ме шуи: «Ыджыд шог меным, ӧд Медвылыссаыс оз нин кутышт менӧ Аслас кинас».

Петӧм 23:31

Ме сета тіянлы му Гӧрд саридзсянь Филистим саридзӧдз да овтӧминсянь [ыджыд Ефрат] юӧдз. Тайӧ муысь олысьяссӧ Ме сета тіян киӧ, и ті вӧтланныд найӧс.

Еклесиаст 2:25

Вермас-ӧ мортыс сёйны-юны да Ентӧгыс нимкодясьны?

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Езекиль 16:13

Тэ зарниӧн да эзысьӧн мичмӧдчин, вӧсни шабді, шӧвк да серлӧдлӧм паськӧмӧ пасьтасин. Тэ сёйин медбур шобді нянь, ма да олив вый. Тэ вӧлін вывті мича, вӧлін ӧксы-ань кодь.

Индӧд 11:24

Муыс, кытчӧ ті сувтанныд кокнад, лоӧ тіян. Овтӧминсянь Ливанӧдз, Ефрат юсянь рытыввыв саридзӧдз муыс лоӧ тіян.

Нав Исус 1:4

Овтӧминсянь Ливанӧдз да ыджыд Ефрат юсянь рытыввыв Ыджыд саридзӧдз хеттейяслӧн став муыс лоӧ тіян.

Ӧксыяслӧн 1 небӧг 10:27

А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс.