Ӧксыяслӧн 3 небӧг 3:15 - Коми Библия 2023

¹⁵ Кор Соломон садьмис, сійӧ гӧгӧрвоис, мый тайӧ вӧлі вӧт. Сійӧ бӧр локтіс Ерусалимӧ, сэні муніс [висьпуктанін дорӧ] Господьлӧн Йитӧд куд водзӧ и вайис сотан да бурасян висьяс. Та бӧрын аслас кесйӧгъяслы вӧчис ыджыд гаж.

Ӧксыяслӧн 3 небӧг 3:15 ပူးပေါင်းရင်းမြစ်များ

Олӧм 28:16

Яков садьмис да шуис: «Збыльысь Господь тані, а ме эг тӧд!»

Олӧм 31:54

Яков начкис керӧс вылын пемӧсӧс, вайис сійӧс вись пыдди да корис ставнысӧ сёйны. Сёйӧм-юӧм бӧрын найӧ кольччисны керӧс вылӧ узьны.

Олӧм 40:20

Куим лун мысти аслас чужан лунӧ фараон лӧсьӧдіс гаж став чина йӧзыслы. Сылы тӧд вылас усины медыджыд вина кисьталысьыс да нянь пӧжалысьыс.

Олӧм 41:7

Кос шепъясыс ньылыштісны гырысь туся шепъяссӧ. Фараон садьмис да гӧгӧрвоис, мый тайӧ вӧт.

Ӧксыяслӧн 3 небӧг 3:16

Ӧтчыд Соломон ӧксы дінӧ локтісны кык кырсалысь ань да сувтісны ӧксы водзӧ.

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

1 Каднебӧг 16:3

Чукӧртчӧм став Израиль войтырлы, быд айловлы да аньлы, сетіс нянь, пражитӧм яйтор да изюм.

2 Каднебӧг 7:5

Соломон ӧксы вайис вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став войтырыс вежӧдісны Енлысь крамсӧ.

Эсфир 1:3

Коймӧд веськӧдлан воӧ став аслас юралысь-веськӧдлысьыслы ӧксы лӧсьӧдіс гаж. Сэтчӧ локтісны Персия да Мидия муясысь тышкайӧзӧн веськӧдлысьяс да ӧксыув муясӧн юралысьяс.

Еремей 31:26

Ме садьми да восьті синмӧс, менам вӧтӧй вӧлі сьӧлӧм серти.

Даниил 5:1

Валтасар ӧксы дасьтіс ыджыд гаж аслас сюрс чина йӧзлы да накӧд ӧтвылысь юис вина.

Лыд 12:6

Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.

Марк 6:21

Ирӧд чужан лунӧ Ирӧдиадалы лоис позянлун вины Иоанӧс. Ирӧд котыртіс гаж юралысьяслы, тышкайӧзӧн веськӧдлысьяслы да галилеяса пыдди пуктана йӧзлы.