Ӧксыяслӧн 3 небӧг 22:6 - Коми Библия 2023

⁶ Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Ӧксыяслӧн 3 небӧг 22:6 ပူးပေါင်းရင်းမြစ်များ

Ӧксыяслӧн 3 небӧг 12:9

Ровоам юаліс налысь: «Мый ті шуанныд? Мый меным вочавидзны тайӧ войтырыслы? Найӧ корӧны, мед ме кокньӧді налысь сийӧссӧ, мый менам батьӧй пуктіс на вылӧ».

Ӧксыяслӧн 3 небӧг 18:19

Ӧні мӧдӧд йӧзтӧ, мед Кармил керӧсӧ чукӧртасны ме дінӧ став Израиль войтырӧс, тшӧтш Вааллысь нёльсё ветымын пророкӧс да Астарталысь нёльсё пророкӧс, кодъяс сёйӧны Езавельлӧн пызан сайын».

Ӧксыяслӧн 3 небӧг 18:20

Ахав мӧдӧдіс юӧр став Израиль войтырлы да чукӧртіс пророкъясӧс Кармил керӧсӧ.

Ӧксыяслӧн 3 небӧг 22:10

Израильса ӧксы да иудаса Иосафат ӧксы пукалісны ӧксы паськӧмӧн Самария карса дзиръя дорын изэрд вылын, быдӧн аслас юралан пуклӧсын. А пророкъяс ставныс пророкалісны на водзын.

Ӧксыяслӧн 3 небӧг 22:15

Кор Микей локтіс ӧксы дінӧ, ӧксы юаліс: «Висьтав, Микей, уськӧдчыны-ӧ миянлы галаадса Рамот кар вылӧ?» Мӧдыс вочавидзис: «Уськӧдчы. Тэ верман. Господь сетас сійӧс тэнад киӧ, ӧксыӧй».

Ӧксыяслӧн 3 небӧг 22:5

Иосафат нӧшта шуис израильса ӧксылы: «Но медводз юав Господьлысь, мый Сійӧ шуас».

Ӧксыяслӧн 4 небӧг 10:19

Корӧй ме дінӧ Вааллысь пророкъяссӧ, попъяссӧ да сылы юрбитысьяссӧ. Мед локтасны ставныс ӧтитӧг, ме вая Вааллы медся ыджыд вись. А коді оз лок, сійӧ ловйӧн оз коль». Тадзи шуигӧн збыльвылас Еху кӧсйис бырӧдны Вааллы юрбитысьясӧс.

Ӧксыяслӧн 4 небӧг 3:13

Елисей шуис израильса ӧксылы: «Мыйла тэ локтін ме дінӧ? Мун аслад бать-мамыдлӧн пророкъяс дінӧ». «Ог мун, – вочавидзис израильса ӧксы. – Господь вайӧдіс миянӧс, куим ӧксыӧс, татчӧ, мед сетны миянӧс моавсаяс киӧ».

2 Каднебӧг 18:14

Кор Микей локтіс ӧксы дінӧ, ӧксы юаліс: «Висьтав, Микей, уськӧдчыны-ӧ миянлы галаадса Рамот кар вылӧ?» Мӧдыс вочавидзис: «Уськӧдчӧй. Ті верманныд. Рамотын олысьясӧс лоӧ сетӧма тіян киӧ».

Исай 36:10

Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”».

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Езекиль 13:22

Ылӧдлӧмнаныд ті шогӧдінныд веськыда олысьясӧс, кодъясӧс Ме эг кӧсйы шогӧдны. Ті ышӧданныд-ёнмӧданныд лёк вӧчысьясӧс, и найӧ оз бергӧдчыны лёк туйсьыныс, медым ловйӧн кольны.

Матвей 7:15

«Видзӧй асьнытӧ ылӧгпророкъясысь. Найӧ локтӧны тіян дінӧ ыжъяс кодьӧн, а збыльвылас найӧ горш кӧинъяс.

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,