Ӧксыяслӧн 3 небӧг 22:5 - Коми Библия 2023

⁵ Иосафат нӧшта шуис израильса ӧксылы: «Но медводз юав Господьлысь, мый Сійӧ шуас».

Ӧксыяслӧн 3 небӧг 22:5 ပူးပေါင်းရင်းမြစ်များ

Ӧксыяслӧн 3 небӧг 22:4

Ахав ӧксы юаліс Иосафатлысь: «Мунан-ӧ тэ мекӧд тышӧ Галаадӧ Рамот кар босьтны?» Иосафат вочавидзис израильса ӧксылы: «Ме муна тэ моз тышӧ. Менам тышкайӧзӧй мунасны тэнад тышкайӧзыд моз, менам вӧвъясӧй мунасны тэнад вӧвъясыд моз».

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Ӧксыяслӧн 4 небӧг 1:3

Но Тишби карын олысь Иллялы Господьлӧн андел шуис: «Пет воча самарияса ӧксылӧн мӧдӧдӧмаяслы да висьтав налы: ”Мыйла ті мунанныд юасьны экронса Ваал-Зевув енлысь? Израильын ӧмӧй абу Енмыс?

Ӧксыяслӧн 4 небӧг 3:11

Иосафат юаліс: «Эм-ӧ миян пӧвстын Господьлӧн пророк, кодлысь эськӧ ми вермам юавны, мый Господь шуас миянлы?» Израильса ӧксылӧн кесйӧгъясысь ӧти шуис: «Тані эм Шафатлӧн Елисей пиыс, сійӧ коркӧ кесъявліс Илля пророклы».

1 Каднебӧг 10:13

Тадзи куліс Саул, ӧд сійӧ эновтіс Господьӧс. Сійӧ мыж вӧчис Господьлы паныд, эз ов Господьлӧн кыв серти, но туйдӧдӧмла шыасис кулӧмаӧс корысь ань дінӧ,

Еремей 21:2

«Еремей, кевмысь Господьлы миян вӧсна, ӧд вавилонса Навукодоносор ӧксы тышӧ петіс миянлы паныд. Гашкӧ, Господь вӧчас шензьӧданатор, и Навукодоносор вешъяс миян дінысь».

Езекиль 14:3

«Морт пиӧй, тайӧ йӧзыс сьӧлӧмнас кӧртасьӧмаӧсь идолъяс дінӧ. Син водзаныс найӧ сувтӧдӧмаӧсь мыжас уськӧданторъяс. Та бӧрти Ме ӧмӧй вочавидза налы?

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Нав Исус 9:14

Господьлысь юасьтӧг израильсаяс видлісны локтысьяслысь няньсӧ.

Ёрдысьяс 1:1

Исуслӧн кулӧм бӧрын Израиль пиян юасисны Господьлысь: «Коді миян пӧвстысь медводдзаӧн петас ханаансаяслы паныд тышӧ?»

Ёрдысьяс 20:18

Израильсаяс локтісны Вефильӧ да юалісны Енлысь: «Кутшӧм чужанкотырлы колӧ медводдзаӧн петны Венямин чужанкотырлы паныд тышӧ?» Господь вочавидзис: «Иуда чужанкотырлы».

Ёрдысьяс 20:29

Израильсаяс сувтӧдісны Гива кар гӧгӧр кыйӧдчысьясӧс.

Ӧксыяслӧн 1 небӧг 14:18

Саул тшӧктіс Ахий поплы вайны Енлысь кудсӧ. Енлӧн кудйыс сэки вӧлі Израиль ордын.

Ӧксыяслӧн 1 небӧг 23:2

Давид юаліс Господьлысь: «Мунны-ӧ меным сэтчӧ? Верма-ӧ ме тайӧ филистимсаяссӧ?» Господь вочавидзис: «Мун. Тэ верман найӧс, тшӧтш Кейла карсӧ мездан».

Ӧксыяслӧн 1 небӧг 23:4

Давид бара шыасис Господь дінӧ. Господь шуис сылы: «Чеччы да мун Кейлаӧ. Ме сета филистимсаясӧс тэнад киӧ».

Ӧксыяслӧн 1 небӧг 30:8

Давид шыасис Господь дінӧ да юаліс: «Вӧтчыны-ӧ меным тайӧ мырддялысь-пазӧдысьяс бӧрся? Суӧда-ӧ ме найӧс?» Господь вочавидзис: «Вӧтчы. Тэ суӧдан и мездан ассьыд йӧзтӧ».