Ӧксыяслӧн 3 небӧг 22:40 - Коми Библия 2023

⁴⁰ Ахав куліс да вуджис батьясыс дінӧ. Сы бӧрти ӧксыӧ пуксис сылӧн Ахазий пиыс.

Ӧксыяслӧн 3 небӧг 22:40 ပူးပေါင်းရင်းမြစ်များ

Ӧксыяслӧн 2 небӧг 7:12

Кор помасясны тэнад олан лунъясыд, и тэ кутан куйлыны аслад батьяс дінын, сэки Ме пукта ӧксыӧ тэсянь чужысьӧс да зумыдмӧда сылысь юралӧмсӧ.

Ӧксыяслӧн 3 небӧг 11:21

Кор Хадад тӧдмаліс, мый Давид да сылӧн тышкайӧзӧн веськӧдлысь Йоав абу нин ловъяӧсь, шуис фараонлы: «Лэдз менӧ бӧр мунны аслам муӧ».

Ӧксыяслӧн 3 небӧг 11:43

Сэсся Соломон куліс да вуджис батьясыс дінӧ. Сійӧс дзебисны Давид батьыслӧн карӧ. Соломон бӧрти ӧксыӧ пуксис сылӧн Ровоам пиыс.

Ӧксыяслӧн 3 небӧг 14:31

Сэсся Ровоам куліс да вуджис батьясыс дінӧ. Сійӧс дзебисны Давид карӧ батьясыскӧд орччӧн. Ровоамлӧн мамыс вӧлі аммон войтырысь Наама. Ровоам бӧрти ӧксыӧ пуксис сылӧн Авий пиыс.

Ӧксыяслӧн 3 небӧг 2:10

Давид куліс да вуджис батьясыс дінӧ. Сійӧс дзебисны Давид карӧ.

Ӧксыяслӧн 3 небӧг 22:39

Ахав ӧксыалӧм дырйи мукӧд лоӧмторъяс йылысь, сылӧн уджъясыс йылысь, слӧн лыысь вӧчӧм керка йылысь да лэптӧм каръясыс йылысь гижӧма израильса ӧксыяслӧн каднебӧгӧ.

Ӧксыяслӧн 3 небӧг 22:41

Израильса Ахав ӧксылӧн нёльӧд веськӧдлан воӧ Иуда муын ӧксыӧ пуксис Асалӧн Иосафат пиыс.

Ӧксыяслӧн 3 небӧг 22:51

Иудаса Иосафат ӧксылӧн дас сизимӧд веськӧдлан воӧ Израиль муын ӧксыӧ пуксис Ахавлӧн Ахазий пиыс. Кык во чӧж сійӧ юраліс Самария карын.

Ӧксыяслӧн 3 небӧг 22:52

Сійӧ вӧчис Господь водзын шогмытӧмсӧ, ветліс бать-мамыслӧн туйӧд да Неват Еровамлӧн туйӧд. Еровам коркӧ кежӧдіс Израиль войтырӧс мыжас.

Ӧксыяслӧн 4 небӧг 1:17

Ахазий куліс, кыдзи Господь висьталіс Илля пыр. Ахазийлӧн эз вӧв пиыс, та вӧсна сы бӧрти ӧксыӧ пуксис Иорам [Ахазийлӧн вокыс]. Тайӧ вӧлі иудаса Иорам ӧксылӧн, Иосафат пилӧн, мӧд веськӧдлан воӧ.

Ӧксыяслӧн 4 небӧг 1:2

Самарияын олігас Ахазий аслас керкаын усис вылі судта ӧшиньӧдыс да ёна доймис. Сійӧ корис ассьыс йӧзсӧ да шуис: «Ветлӧй экронса Ваал-Зевув ен дінӧ да юалӧй, бурда-ӧ ме тайӧ доймӧмсьыс?» [Мӧдӧдӧмаяс мунісны.]

2 Каднебӧг 20:35

Бӧрынджык иудаса Иосафат ӧксы кӧрталіс йитӧд израильса Ахазий ӧксыкӧд, коді вӧчис лёксӧ.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.