Ӧксыяслӧн 3 небӧг 22:14 - Коми Библия 2023

¹⁴ Микей вочавидзис: «Ловъя Господь водзын кыв сета: Господь мый шуас меным, сійӧс и юӧрта».

Ӧксыяслӧн 3 небӧг 22:14 ပူးပေါင်းရင်းမြစ်များ

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 18:10

Ловъя Господь водзын, тэнад Ен водзын, шуа: менам ыджыдӧй мӧдӧдліс корсьны тэнӧ быд муӧ да быд войтыр пӧвстӧ. Ставныслы сійӧ тшӧктыліс кыв сетны, мый эз аддзывны тэнӧ.

Ӧксыяслӧн 3 небӧг 18:15

Илля вочавидзис: «Ловъя Господь Саваоф водзын, кодлы ме кесъяла, шуа: талун ме петкӧдча Ахавлы».

Ӧксыяслӧн 3 небӧг 22:13

Микейла мӧдӧдӧм морт кор аддзис Микейӧс, шуис: «Пророкъяс ставныс юӧртӧны ӧксылы бурсӧ. Тэнад юӧртӧмыд мед лоӧ налӧн кодь жӧ. Висьтав ӧксылы бурсӧ».

Еремей 23:28

Пророк, коді аддзыліс вӧт, мед висьталӧ сійӧс вӧтӧс моз, а пророк, кодлы вӧлі Месянь кыв, мед висьталӧ Менсьым кывйӧс веськыда». Позяс-ӧ идзас ӧткодявны шобді туськӧд? – висьталӧ Господь. –

Еремей 34:6

Тайӧ кывъяссӧ Еремей пророк висьталіс иудаса Седекей ӧксылы Ерусалимын.

Еремей 42:4

Еремей пророк вочавидзис налы: «Ме кылі тіянӧс, ме кевмыся Господьлы, тіян Енлы, тіян корӧмныд серти. Ставсӧ, мый Господь висьталас, ме юӧрта тіянлы, ог дзеб тіянысь ни ӧти кыв».

Лыд 22:18

Валаам вочавидзис Валаклӧн йӧзлы: «Валак кӧ сетас меным весиг керка тыр зарни-эзысь, аслам Господь Енлысь тшӧктӧмсӧ ме ог торк, нинӧм ог вӧч ас кӧсйӧм серти.

Лыд 22:38

Валаам вочавидзис: «Со, ме локті. Но мый ме верма шуны? Мый Енмыс сетас шуны, сійӧс и кута висьтавны».

Лыд 22:8

Валаам шуис: «Кольччӧй ме ордӧ вой кежлас, а асывнас ме висьтала, мый шуас меным Господь». Моавса юрнуӧдысьяс кольччисны Валаам ордӧ.

Лыд 24:13

мый Валак кӧ сетас меным весиг керка тыр зарни-эзысь, Господьлысь тшӧктӧмсӧ ме ог торк, ас кӧсйӧм серти бурсӧ ни лёксӧ ог вӧч. Мый Господь тшӧктас, сійӧс и кута висьтавны.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

Галатӧ 1:10

Йӧзсянь-ӧ, Енсянь-ӧ виччыся ме ошкӧмсӧ? Йӧзлы ӧмӧй зіля шогмынысӧ? Ме кӧ зіли шогмыны йӧзлы, сэки эськӧ эг вӧв Кристослӧн кесйӧг.