Ӧксыяслӧн 3 небӧг 21:9 - Коми Библия 2023

⁹ Езавель гижис тадзи: «Юӧртӧй, мый ставныслы колӧ видзавны. Навотӧс пуксьӧдӧй став войтырыс водзӧ, быттьӧ сійӧс пыдди пуктанныд.

Ӧксыяслӧн 3 небӧг 21:9 ပူးပေါင်းရင်းမြစ်များ

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Ӧксыяслӧн 3 небӧг 21:8

Езавель гижис Ахав нимсянь гижӧд, вынсьӧдіс сійӧс ӧксылӧн чунькытш пасӧн да ысталіс юрнуӧдысьяслы да нималана йӧзлы Изреель карӧ, кӧні оліс Навот.

Исай 58:4

Со, ті видзаланныд, но тіян костын содӧ вензьӧм да зыксьӧм, ті чорыда нӧйтанныд ӧта-мӧднытӧ. Тадзи кӧ ті видзаланныд, тіянлысь гӧлӧс шытӧ оз кывны выліас.

Матвей 2:8

Сэсся мӧдӧдіс найӧс Виплиемӧ да шуис: «Ветлӧй, кага йывсьыс ставсӧ тӧдмалӧй. Кагасӧ аддзӧм бӧраныд юӧртӧй меным, ме тшӧтш вола копыртчывны Сылы».

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Лука 20:47

Найӧ куштӧны дӧваяслысь керкасӧ да асьнысӧ петкӧдлӧм могысь дыр кевмысьӧны. Но найӧс лоӧ чорыда мыждӧма».

Иоан 18:28

Асывводзнас Каиафсянь Исусӧс нуӧдісны римса юралысьлӧн керкаӧ. Иудейяслӧн веськӧдлысьяс эз пырны керка пытшкас, медым эз пежасьны да вермисны сёйны ыджыдлунся сёян.