Ӧксыяслӧн 3 небӧг 21:7 - Коми Библия 2023

⁷ Езавель гӧтырыс шуис: «Абу ӧмӧй тэ ӧксыыс Израильын? Чеччы, сёй да лӧнь. Ме сета тэныд изреельса Навотлысь виноград йӧрсӧ».

Ӧксыяслӧн 3 небӧг 21:7 ပူးပေါင်းရင်းမြစ်များ

Ӧксыяслӧн 2 небӧг 13:4

Сійӧ юаліс Амнонлысь: «Висьтав, ӧксы пиӧй, мыйысь тэ лунысь-лун косьман?» Амнон шуис: «Авессалом воклысь Фамар чойсӧ ме радейта».

Ӧксыяслӧн 3 небӧг 21:6

Ахав вочавидзис: «Ме сёрниті изреельса Навоткӧд. Кори сылысь, мед сійӧ вузалас меным виноград йӧрсӧ, а кӧсъяс кӧ, виноград йӧрыс пыдди ме сета сылы мӧд виноград йӧр. Но сійӧ шуис, мый оз сет меным [батьяссянь сылы вуджӧм] виноград йӧрсӧ».

Шусьӧгъяс 30:31

[курӧгъяс водзын] восьлалысь петук, [чукӧрыс водзын мунысь] ай кӧза да аслас войтырыс водзын ӧксы.

Еклесиаст 4:1

Ме видзӧдлі быдпӧлӧс дзескӧдӧм вылӧ, мый вӧчсьӧ шонді улас: дзескӧдӧмаяс бӧрдӧны – найӧс бурӧдысьыс абу, найӧ дзескӧдысьлӧн вына киынӧсь, а бурӧдысьыс абу.

Еклесиаст 8:4

Ӧксылӧн шуӧмыс вына. Коді вермас шуны сылы: «Мый тэ вӧчан?»

Амос 6:12

Изкырта вывті ӧмӧй котралӧны вӧвъяс? Верман ӧмӧй ӧшъясӧн гӧрны сэті? А ті бергӧдінныд веськыда мыждӧмсӧ пагӧдан быдмӧгӧ, веськыдлуныслысь вотӧссӧ – курыд зелляӧ.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Ёрдысьяс 19:6

Найӧ кыкӧн пуксисны да сёйисны-юисны. Гӧтырыслӧн батьыс шуис левитлы: «Кольччы нӧшта ӧти вой кежлӧ, бурпӧт олышт на».

Руфа 3:7

Вооз сёйис-юис да долыдпырысь водіс узьны нянь тэчас бокӧ. Руфа гусьӧникӧн матыстчис, лэптыштіс Воозлӧн кок увсьыс шебрассӧ да водіс.

Ӧксыяслӧн 1 небӧг 8:14

Сійӧ босьтас тіянлысь медбур муяснытӧ, виноград да олив йӧръяснытӧ да сетас аслас кесйӧгъяслы.

Ӧксыяслӧн 1 небӧг 8:4

Израильса юрнуӧдысьяс чукӧртчисны да мунісны Самуил дінӧ Рамаӧ.