Ӧксыяслӧн 3 небӧг 21:2 - Коми Библия 2023

² Ахав шуис Навотлы: «Сет меным ассьыд виноград йӧртӧ, мый менам керкакӧд орччӧн. Сэні ме вӧча аслым град йӧр, а тэныд сета бурджык виноград йӧр либӧ мынтыся виноград йӧрсьыд».

Ӧксыяслӧн 3 небӧг 21:2 ပူးပေါင်းရင်းမြစ်များ

Олӧм 16:6

Ӧврам шуис Саралы: «Тэнад кесйӧгыд аслад киын, мый кӧсъян, сійӧс и вӧч». Сара кутіс дзескӧдны Агарӧс, и сійӧ пышйис.

Олӧм 3:6

Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Ӧксыяслӧн 3 небӧг 21:3

Навот шуис Ахавлы: «Мед Господь видзас менӧ аслам батьяслысь мусӧ тэныд сетӧмысь!»

Ӧксыяслӧн 3 небӧг 21:6

Ахав вочавидзис: «Ме сёрниті изреельса Навоткӧд. Кори сылысь, мед сійӧ вузалас меным виноград йӧрсӧ, а кӧсъяс кӧ, виноград йӧрыс пыдди ме сета сылы мӧд виноград йӧр. Но сійӧ шуис, мый оз сет меным [батьяссянь сылы вуджӧм] виноград йӧрсӧ».

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

Петӧм 20:17

Эн ышты матыссаыдлӧн керкаыс да гӧтырыс вылӧ, [муыс вылӧ,] кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм».

Еклесиаст 2:5

лӧсьӧді сад йӧръяс, расъяс да пукті сэтчӧ быдсяма вотӧса пусӧ,

Сьылан 4:15

Тэ – сад йӧрын ва петанін, ловъя ва юкмӧс, кытчӧ Ливан керӧссянь визувтӧ ва. (Ныв:)

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Индӧд 11:10

Муыс, кытчӧ ті мунанныд сійӧс босьтӧм могысь, абу египетса му кодь, кытысь ті петінныд. Сэні муястӧ кӧдзӧм бӧрад ті киськавлінныд найӧс, кыдзи киськавлӧны град йӧр.

Индӧд 5:21

Эн ышты матыссаыдлӧн гӧтырыс вылӧ, керкаыс да муыс вылӧ, кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм”.

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

Ӧксыяслӧн 1 небӧг 29:6

Акиш корис Давидӧс да шуис: «Ловъя Господь водзын шуа, мый тэ веськыд морт, и ме эськӧ кӧсйи, мед тэ ветлін мекӧд тышъясӧ. Локтӧмсяньыд тэ бура кесъялан меным, но мукӧд юралысьыс мустӧмтӧны тэнӧ.

Ӧксыяслӧн 1 небӧг 8:14

Сійӧ босьтас тіянлысь медбур муяснытӧ, виноград да олив йӧръяснытӧ да сетас аслас кесйӧгъяслы.

Ӧксыяслӧн 1 небӧг 8:6

Самуиллы эз во сьӧлӧм вылас, мый войтырыс корӧ ӧксыӧс, коді кутас веськӧдлыны наӧн. Сэки сійӧ шыасис Господь дінӧ.