Ӧксыяслӧн 3 небӧг 21:10 - Коми Библия 2023

¹⁰ Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Ӧксыяслӧн 3 небӧг 21:10 ပူးပေါင်းရင်းမြစ်များ

Ӧксыяслӧн 2 небӧг 20:1

Вензьысьяс пӧвстын вӧлі Венямин чужанкотырысь Бикрилӧн Шевей пиыс. Сійӧ вӧлі лёк морт. Шевей букӧстіс буксанӧн да горӧдіс: «Давид миянлы некод! Ессей пикӧд миянӧс нинӧм оз йит! Израиль войтыр, мунӧй быдӧн асланыд чомйӧ!»

Ӧксыяслӧн 3 небӧг 21:11

Навотлӧн карын олысь юрнуӧдысьяс да нималана йӧз вӧчисны, кыдзи тшӧктіс налы Езавель аслас ыстӧм гижӧдын.

Ӧксыяслӧн 3 небӧг 21:9

Езавель гижис тадзи: «Юӧртӧй, мый ставныслы колӧ видзавны. Навотӧс пуксьӧдӧй став войтырыс водзӧ, быттьӧ сійӧс пыдди пуктанныд.

Ӧксыяслӧн 4 небӧг 6:32

Елисей пукаліс гортас карса юрнуӧдысьяскӧд, кор ӧксы мӧдӧдіс сы дінӧ ассьыс мортсӧ. Но сылӧн локтӧдз на, Елисей шуис юрнуӧдысьяслы: «Аддзанныд, морт виысьлӧн пиыс мӧдӧдіс ме дінӧ мортӧс, медым керыштны менсьым юрӧс. Кор мортыс локтас, пӧдлалӧй сы водзын ӧдзӧссӧ да ёна пыкӧй сійӧс. Со, сы бӧрся локтысь ыджыдыслӧн кок шыыс кылӧ!»

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Петӧм 22:28

Эн омӧльт Енмӧс, эн ёр ас войтырыдлысь юралысьтӧ.

Шусьӧгъяс 6:19

ылӧг висьталысьӧс, коді содталӧ-лӧсьӧдлӧ, да сійӧс, коді вокъяс костын панӧ зык-вен.

Исай 59:14

Ми ылыстім веськыда мыждӧмсӧ, веськыдлуныс сулалӧ ылын, збыльыс крукасис изэрдйӧ, веськыда вӧчӧмыс оз су миянӧс.

Левит 24:14

«Петкӧд тайӧ омӧльтысьсӧ чомъяс сайӧ. Найӧ, кодъяс кывлісны сылысь омӧльтӧмсӧ, мед пуктыласны кинысӧ сылы юр вылас. Сэсся став войтырыс мед изъялас сійӧс.

Иоан 10:33

Иудейяс вочавидзисны: «Огӧ бур уджысь Тэнӧ изъялӧй, изъялам Енмӧс омӧльтӧмысь. Тэ морт, а Енмӧ пуксян».

Ап. уджъяс 6:11

Сэки найӧ кодсюрӧӧс ыззьӧдісны висьтавны, мый сійӧ лёка сёрнитӧ Мӧисей да Ен йылысь, мый найӧ тайӧс асьныс кывлісны.

Ап. уджъяс 6:13

Сэтчӧ корисны ылӧгвисьталысьясӧс. Найӧ шуисны: «Тайӧ мортыс век омӧльтӧ миянлысь вежаинӧс да Индӧдӧс.

Индӧд 13:13

шогмытӧм йӧз кежӧдӧны карса олысьясӧс юрбитны тӧдтӧм енъяслы,

Индӧд 19:15

Ӧти мортлӧн висьталӧмыс абу тырмана, медым мыждыны мортӧс лёк либӧ мыж вӧчӧмысь. Ставсӧ колӧ подулавны кык либӧ куим мортлӧн висьталӧмӧн.

Ёрдысьяс 19:22

Кор найӧ гажаа коллялісны кадсӧ, шогмытӧм йӧз кытшалісны пӧрысь мортлысь керкасӧ. Найӧ игӧдчисны ӧдзӧсас да шуисны пӧрысь мортлы, керка кутысьлы: «Петкӧд татчӧ тэ ордӧ локтысьӧс! Ми кӧсъям узьны сыкӧд».

Ӧксыяслӧн 1 небӧг 2:12

Илийлӧн пияныс вӧліны шогмытӧм йӧз, найӧ эз тӧдны Господьӧс