Ӧксыяслӧн 3 небӧг 20:34 - Коми Библия 2023

³⁴ Бен-Хадад шуис сылы: «Ме бӧр сета тэныд сійӧ каръяссӧ, кодъясӧс коркӧ менам батьӧй босьтліс тэнад батьлысь. Дамаскын верман восьтны аслыд вузасянінъяс, кыдзи коркӧ менам батьӧй восьтліс Самарияын». Ахав вочавидзис: «Сёрнитчӧм бӧрын ме лэдза тэнӧ». Бен-Хададкӧд Ахав кӧрталіс йитӧд, сэсся лэдзис сійӧс.

Ӧксыяслӧн 3 небӧг 20:34 ပူးပေါင်းရင်းမြစ်များ

Ӧксыяслӧн 3 небӧг 15:20

Бен-Хадад вӧчис Аса ӧксылӧн корӧм серти. Сійӧ мӧдӧдіс аслас тышкайӧзӧн веськӧдлысьясӧс израильса каръяслы паныд тышӧ. Найӧ пасьвартісны Ийон, Дан да Авел-Бет-Маака каръяс, Киннерет ты гӧгӧрысь муяс да став Неффалим му.

Ӧксыяслӧн 3 небӧг 20:33

Тайӧ шуӧмыс локтысьяслы вӧлі бур пасӧн. Ӧксылӧн кывйӧ кутчысьӧмӧн найӧ воча шуисны: «Збыльысь, Бен-Хадад тэнад вок». Ӧксы шуис: «Вайӧдӧй сійӧс татчӧ». Бен-Хадад локтіс Ахав дінӧ, и мӧдыс пуксьӧдіс сійӧс орччӧн аслас тарантасӧ.

Ӧксыяслӧн 3 небӧг 20:42

Пророк шуис ӧксылы: «Господь тадзи висьталӧ: ”Сыысь, мый тэ лэдзин мортӧс, кодӧс Ме тшӧкті бырӧдны, тэныд ковмас кувны сы пыдди, а тэнад войтырлы – сылӧн войтыр пыдди”».

Ӧксыяслӧн 3 небӧг 22:31

Арамейяслӧн ӧксы шуис аслас тарантаса тышкайӧзӧн комын кык веськӧдлысьлы: «Тышкайӧзкӧд да налӧн веськӧдлысьяскӧд энӧ тышкасьӧй, а сӧмын израильса ӧксыкӧд».

2 Каднебӧг 16:4

Бен-Хадад вӧчис Аса ӧксылӧн корӧм серти. Сійӧ мӧдӧдіс аслас тышкайӧзӧн веськӧдлысьясӧс израильса каръяслы паныд тышӧ. Найӧ пасьвартісны Ийон, Дан, Авел-Маим каръяс да Неффалим муысь став карсӧ, кӧні видзисны нянь да эмбур.

2 Каднебӧг 18:30

Арамейяслӧн ӧксы шуис аслас тарантаса тышкайӧзӧн веськӧдлысьяслы: «Тышкайӧзкӧд да налӧн веськӧдлысьяскӧд энӧ тышкасьӧй, а сӧмын израильса ӧксыкӧд».

Исай 26:10

Лёк вӧчысь дінӧ кӧ бурсьӧлӧмтчасны, сійӧ оз велӧдчы веськыда овны. Веськыда олысьяслӧн му вылын сійӧ водзӧ кутас лёксӧ вӧчны, оз аддзы, мый Господь ыджыдалӧ.

Исай 8:12

– Тайӧ войтырыс мый лыддьӧ гуся сёрнитчӧмӧн, ті тадзи энӧ лыддьӧй. Мыйысь полӧ тайӧ войтырыс, ті энӧ полӧй да энӧ тіралӧй.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Ӧксыяслӧн 1 небӧг 11:1

[Тӧлысь мысти] локтіс аммон войтырысь Нахаш да кытшаліс Галаад муын Явис кар. Явис карын олысьяс шуисны Нахашлы: «Кӧртав миянкӧд бурасян йитӧд, и ми пондам кесъявны тэныд».

Ӧксыяслӧн 1 небӧг 15:8

Амаликъяслысь Агаг ӧксысӧ Саул босьтіс ловйӧн, а войтырсӧ виаліс шыпуртӧн [виаліс тшӧтш ерим войтырӧс]. Дзикӧдз бырӧдіс найӧс.

Ӧксыяслӧн 1 небӧг 15:9

Саул аслас йӧзкӧд жалитісны Агаг ӧксыӧс. Амаликъяслысь медбур ыжъяссӧ, ӧшъяссӧ, тшӧгӧдӧм баляяссӧ да став дона эмбурсӧ эз кӧсйыны бырӧдны, бырӧдісны сӧмын ковтӧмсӧ да лёкджыксӧ.