Ӧксыяслӧн 3 небӧг 20:29 - Коми Библия 2023

²⁹ Сизим лун чӧж тышкайӧз сулалісны ӧта-мӧдныслы воча. Сизимӧд луннас пансис тыш. Израильсаяс ӧти лунӧн виисны арамейяслысь сё сюрс пода тышкамортӧс,

Ӧксыяслӧн 3 небӧг 20:29 ပူးပေါင်းရင်းမြစ်များ

Олӧм 25:20

Исааклы вӧлі нелямын арӧс, кор сійӧ босьтіс гӧтырӧ Бетуэллысь Ревекка нывсӧ, Лаванлысь чойсӧ. Найӧ вӧліны Месопотамияын олысь арамейяс.

Ӧксыяслӧн 2 небӧг 10:18

Давид пасьвартіс арамейясӧс, и найӧ пышйисны израильсаясысь. Давид бырӧдіс налысь сизимсё тарантас да нелямын сюрс верзьӧмаӧс. Виис тшӧтш Шовакӧс, тышкайӧзлысь юралысьсӧ.

Ӧксыяслӧн 3 небӧг 20:28

Сэки израильса ӧксы дінӧ матыстчис Енлӧн морт да шуис: «Господь тадзи висьталӧ: ”Арамейяс шуӧны, Господь пӧ керӧсъяслӧн ен, абу ковтыслӧн ен. Та вӧсна Ме сета налысь уна лыда тышкайӧзсӧ тэнад киӧ. Сэки ті тӧдмаланныд, мый Ме – Господь”».

Ӧксыяслӧн 3 небӧг 20:30

а ловйӧн кольӧм кызь сизим сюрс морт пышйисны Афек карӧ. Сэні на вылӧ усис карса стенмыс. Ачыс Бен-Хадад пышйис карас, и вежӧсысь вежӧсӧ котралӧмӧн сійӧ корсис дзебсянін.

Ӧксыяслӧн 4 небӧг 13:17

да шуис: «Восьт асыввылӧ видзӧдысь ӧшиньсӧ». Ӧксы восьтіс. Елисей тшӧктіс лыйны ньӧвсӧ. Мӧдыс лыйис. Елисей шуис: «Тайӧ ньӧвйыс ваяс Господьсянь вермӧм! Тайӧ ньӧвнас тэ верман арамейясӧс, Афекын тэ дзикӧдз пасьвартан найӧс!»

Ӧксыяслӧн 4 небӧг 13:25

Йоас бӧр босьтіс Бен-Хадад киысь сійӧ каръяссӧ, кодъясӧс тыш дырйи Бен-Хададлӧн Азаил батьыс мырддьыліс Иохаз батьыслысь. Йоас куимысь вермыліс Бен-Хададӧс, и куимнаннысьсӧ бӧр босьтліс израильса каръяс.

2 Каднебӧг 13:17

Авий аслас тышкайӧзкӧд вермис-пасьвартіс израильсаясӧс. Вӧлі виӧма витсё сюрс медбур израильса тышкамортӧс.

2 Каднебӧг 28:6

Израильса ӧксы, Ремальлӧн Пеках пиыс, ӧти лунӧ виис сё кызь сюрс иудаса тышкамортӧс, ӧд найӧ эновтісны Господьӧс, асланыс батьяслысь Енсӧ.

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Нав Исус 6:15

Кар гӧгӧрыс сизимӧдысь кытшовтігӧн да попъяслӧн буксанӧн буксігӧн Исус тшӧктіс войтырыслы: «Горӧдӧй! Господь сетіс тіянлы карсӧ.

Ӧксыяслӧн 1 небӧг 17:16

Нелямын лун чӧж асыв и рыт Голиаф петавліс да увтыртіс израильсаясӧс.