Ӧксыяслӧн 3 небӧг 20:27 - Коми Библия 2023

²⁷ Израильсаяс тшӧтш дасьтысисны тыш кежлӧ. Найӧ босьтісны аскӧдныс сёян-юан да мӧдӧдчисны петны тышӧ. Израильсаяс сувтісны арамейяслы воча. Израильса тышкайӧз вӧліны быттьӧ кык ичӧтик кӧза чукӧр, а арамейяс тыртісны ставнас мусӧ.

Ӧксыяслӧн 3 небӧг 20:27 ပူးပေါင်းရင်းမြစ်များ

Ӧксыяслӧн 4 небӧг 3:6

Сэки Иорам ӧксы петіс Самария карысь да чукӧртіс став израильса тышкайӧзсӧ.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Нав Исус 1:11

кытшовтны чомъяссӧ да висьтавны войтырыслы: «Дасьтӧй сёян, ӧд куим лун мысти ті вуджанныд Йӧрдан ю сайӧ, медым босьтны аслыныд му, мый Господь, тіян [батьяслӧн] Ен, сетас тіянлы пыр кежлӧ».

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Ёрдысьяс 6:5

Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ёрдысьяс 7:8

Гедеон колис аскӧдыс куимсё тышкамортӧс, а мукӧдсӧ лэдзис гортаныс. Налӧн заптӧм сёяныс да буксанъясыс колины тайӧ куимсёыслы. Мадиансаяс сулалісны улынджык, ковтысын.

Ӧксыяслӧн 1 небӧг 14:2

Саул вӧлі Гива кар дорын Мигронын, гранат пу улын. Сыкӧд сэки вӧлі квайтсё гӧгӧр морт.