Ӧксыяслӧн 3 небӧг 20:21 - Коми Библия 2023

²¹ Израильса ӧксы аслас тышкайӧзкӧд уськӧдчис да пасьвартіс арамейясӧс, босьтіс налысь вӧвъяссӧ да тарантасъяссӧ.

Ӧксыяслӧн 3 небӧг 20:21 ပူးပေါင်းရင်းမြစ်များ

Ӧксыяслӧн 3 небӧг 20:20

Быд тышкаморт виис арамейӧс. Арамейяс пышйисны, а израильсаяс вӧтӧдісны найӧс. Арамейяслӧн Бен-Хадад ӧксы мукӧд верзьӧмаяскӧд пышйис аслас вӧв вылын.

Ӧксыяслӧн 3 небӧг 20:22

Израильса ӧксы дінӧ матыстчис пророк да шуис: «Бӧр мун да дасьтысь, ӧд во мысти арамейяслӧн ӧксы бара уськӧдчас тэ вылӧ. Бура мӧвпышт, мый тэныд вӧчны».

Ӧксыяслӧн 4 небӧг 3:18

Господьлы абу сьӧкыд вӧчны тайӧс. Нӧшта Сійӧ сетас тіян киӧ моавсаясӧс.

Ӧксыяслӧн 4 небӧг 3:24

Кор моавсаяс локтісны израильсаяслӧн сувтанінӧ, израильсаяс уськӧдчисны на вылӧ. Моавсаяс пондісны пышйыны, но израильсаяс вӧтчисны на бӧрся да виалісны найӧс.

Нав Исус 10:20

Исус да Израиль пиян дзикӧдз пасьвартісны вӧрӧгӧс. Коли сӧмын лыда морт, кодъяс вермисны пышйыны асланыс изкаръясӧ.

Ёрдысьяс 11:33

Еффай пасьвартіс аммонсаясӧс. Ароэр карсянь Миннит да Авел-Керамим каръясӧдз сійӧ бырӧдіс кызь кар. Тадзи Израиль пиян вермисны аммонсаясӧс.

Ёрдысьяс 3:28

Эхуд шуис налы: «Локтӧй ме бӧрся, ӧд Господь [Ен] сетіс тіян киӧ моавсаясӧс, тіянлысь вӧрӧгнытӧ». Найӧ мунісны сы бӧрся да босьтісны Йӧрдан ю вомӧн Моавӧ вуджанін, и некодлы эз лэдзны сэті вуджнысӧ.

Ӧксыяслӧн 1 небӧг 17:52

Сэки Израиль войтырысь да Иуда чужанкотырысь тышкайӧз пондісны гораа горзӧмӧн вӧтӧдны найӧс. Вӧтчисны ковтысӧдз да Экрон карса дзиръя дорӧдз. Филистимсаяслӧн шойыс туплясис Шаараим туй пӧлӧн Гефӧдз да Экронӧдз.

Ӧксыяслӧн 1 небӧг 19:8

Бара пансис тыш филистимсаяскӧд. Давид петіс тышӧ да пасьвартіс найӧс. Филистимсаяс пышйисны Давидысь.