Ӧксыяслӧн 3 небӧг 20:12 - Коми Библия 2023

¹² Тайӧс кылӧм бӧрын Бен-Хадад мукӧд ӧксыяскӧд чомъясын юигӧн-гажӧдчигӧн шуис аслас тышкайӧзлы: «Дасьтысьӧй босьтны карсӧ!» Бен-Хададлӧн тышкайӧзыс дасьтысисны уськӧдчыны Самария кар вылӧ.

Ӧксыяслӧн 3 небӧг 20:12 ပူးပေါင်းရင်းမြစ်များ

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Ӧксыяслӧн 3 небӧг 16:9

Элай ӧксылӧн Зимри нима кесйӧгыс, коді веськӧдліс тарантаса джын тышкакотырӧн, гусьӧн кыпӧдчис ӧксылы паныд. Ӧтчыд Тирза карын, ӧксы керкаӧн веськӧдлысь Арс нима морт ордын, Элай ӧксы коддзытӧдзыс юис.

Ӧксыяслӧн 3 небӧг 20:16

Луншӧр кадӧ Ахавлӧн тышкайӧзыс петісны тышӧ. А Бен-Хадад да сылӧн киподувса комын кык ӧксы коддзытӧдзныс юисны-гажӧдчисны чомъясын.

Еремей 43:10

Шу налы, мый Господь Саваоф, Израильлӧн Ен, тадзи висьталӧ: Ме вайӧда татчӧ Ассьым кесйӧгӧс, вавилонса Навукодоносор ӧксыӧс. Сылысь юралан пуклӧссӧ Ме сувтӧда тайӧ дзебӧм изъясыс вылӧ. На весьтӧ сійӧ шевкнитас ассьыс ӧксыалан дӧрачомсӧ.

Даниил 5:2

Юӧм бӧрас Валтасар тшӧктіс вайны зарни да эзысь дозмукъяс, мый сылӧн Навукодоносор батьыс петкӧдліс ерусалимса крамысь. Валтасар кӧсйис юны тайӧ дозмукъяссьыс аслас чина йӧзкӧд, гӧтыръясыскӧд да кесйӧг-гӧтыръясыскӧд.

Даниил 5:30

Сійӧ жӧ войнас калдеяса Валтасар ӧксыӧс виисны,

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Ӧксыяслӧн 1 небӧг 25:36

Авигея локтіс гортас. Навал вӧлі лӧсьӧдӧма ӧксылы кодь ыджыд гаж. Сійӧ гажӧдчис да кодаліс. Авигея кыв эз шу сылы асылӧдзыс.