Ӧксыяслӧн 3 небӧг 20:11 - Коми Библия 2023

¹¹ Израильса ӧксы шуис юӧр вайысьяслы: «Висьталӧй ӧксыныдлы, мед оз ошйысь тышӧ дасьтысигӧн, а мед ошйысяс тыш бӧртиыс».

Ӧксыяслӧн 3 небӧг 20:11 ပူးပေါင်းရင်းမြစ်များ

Ӧксыяслӧн 4 небӧг 3:21

Моавсаяс кор тӧдмалісны, мый ӧксыяс петісны налы паныд тышӧ, чукӧртісны став ассьыныс айуловсӧ – томӧс и пӧрысьӧс – да сувтӧдісны найӧс видзны ассьыныс мунысӧ.

Иов 41:8

найӧ ляскысьӧмаӧсь ӧта-мӧд бердас, весиг сынӧд оз вермы костӧдыс пырны.

Шусьӧгъяс 27:1

Аскиа луныс мый ваяс – он тӧд, сідзкӧ, водзвывсӧ эн ошйысь.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Еремей 46:17

Фараон йылысь горзӧны: «Фараон, египетса ӧксы, нинӧм абусӧ больгӧ, сійӧ воштіс сылы индӧм кадсӧ».

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Матвей 26:75

Сэки Петырлы тӧд вылас уси Исуслӧн шуӧмыс: «Петук чукӧсттӧдз на тэ куимысь соссян Меысь». Петыр петіс да курыда бӧрддзис.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».