Ӧксыяслӧн 3 небӧг 20:1 - Коми Библия 2023

¹ Арамейяслӧн Бен-Хадад ӧксы чукӧртіс ассьыс тышкайӧзсӧ. Сыкӧд тшӧтш тышӧ петісны сылӧн киподувса комын кык ӧксы асланыс вӧвъясӧн да тарантасъясӧн. Бен-Хадад уськӧдчис Самария кар вылӧ да кытшаліс сійӧс.

Ӧксыяслӧн 3 небӧг 20:1 ပူးပေါင်းရင်းမြစ်များ

Ӧксыяслӧн 3 небӧг 15:18

Аса босьтіс Господьлӧн крамса да ӧксы керкаса озырлун видзанінъясысь коляс эзысь-зарнисӧ да мӧдӧдіс ассьыс кесйӧгъяссӧ нуны ставсӧ Дамаскӧ арамейяслӧн Бен-Хадад ӧксылы, Хезион Тавриммонлӧн пиыслы. Тшӧктіс висьтавны сылы:

Ӧксыяслӧн 3 небӧг 15:20

Бен-Хадад вӧчис Аса ӧксылӧн корӧм серти. Сійӧ мӧдӧдіс аслас тышкайӧзӧн веськӧдлысьясӧс израильса каръяслы паныд тышӧ. Найӧ пасьвартісны Ийон, Дан да Авел-Бет-Маака каръяс, Киннерет ты гӧгӧрысь муяс да став Неффалим му.

Ӧксыяслӧн 3 небӧг 16:24

Кык эзысь талантысь Омри ньӧбис Шемерлысь Семерон керӧс да лэптіс сэні кар. Нимсӧ карыслы сетіс Самария, керӧс вузалысьлӧн ним серти.

Ӧксыяслӧн 3 небӧг 20:16

Луншӧр кадӧ Ахавлӧн тышкайӧзыс петісны тышӧ. А Бен-Хадад да сылӧн киподувса комын кык ӧксы коддзытӧдзныс юисны-гажӧдчисны чомъясын.

Ӧксыяслӧн 3 небӧг 20:2

Сэсся ыстіс карас израильса Ахав ӧксы дінӧ ассьыс йӧзсӧ

Ӧксыяслӧн 3 небӧг 20:24

Со мый вӧч: ӧксыясӧс вешты, а на пыдди ассьыд йӧзтӧ пукты юравны ӧксыув муясӧн.

Ӧксыяслӧн 3 небӧг 22:31

Арамейяслӧн ӧксы шуис аслас тарантаса тышкайӧзӧн комын кык веськӧдлысьлы: «Тышкайӧзкӧд да налӧн веськӧдлысьяскӧд энӧ тышкасьӧй, а сӧмын израильса ӧксыкӧд».

Ӧксыяслӧн 4 небӧг 6:8

Арамейяслӧн ӧксы тышӧ петіс Израильлы паныд. Сійӧ сёрнитліс тышкайӧзӧн веськӧдлысьяскӧд, кытчӧ мунны да кӧні панны тышсӧ.

Ӧксыяслӧн 4 небӧг 8:5

Кор Гезий вӧлі висьталӧ, кыдзи Елисей ловзьӧдіс кулӧм мортӧс, ӧксы дінӧ локтіс сійӧ аньыс, кодлысь писӧ Елисей ловзьӧдіс. Ань корис ӧксылысь ассьыс мусӧ да керкасӧ. Гезий шуис: «Ӧксыӧй-ыджыдӧй, тайӧ – буретш сійӧ аньыс да сылӧн пиыс, кодӧс Елисей ловзьӧдіс».

Ездра 7:12

«Артаксеркс, ӧксыяслӧн ӧксы, гижӧ Ездра поплы, енэжвывса Енлӧн Индӧдӧ велӧдысьлы.

Петӧм 14:7

Аскӧдыс сійӧ босьтіс став тарантассӧ тышкайӧзыскӧд. Тайӧ лыдас вӧлі квайтсё медбур тарантас.

Исай 10:8

Сійӧ шуӧ: «Став менам веськӧдлысыс – ӧксыяс!

Исай 37:24

Аслад кесъялысьяс пыр тэ омӧльтін Господьӧс. Тэ шуин: ”Аслам уна лыда тарантасъясӧн ме кайи джуджыд керӧсъяс вылӧ, ливанса керӧсъяс йылӧдз. Ме кералі сылысь гырысь сус пуяссӧ, пӧрӧді медбур кипарисъяссӧ. Ме кайи сылӧн медджуджыд керӧсӧдз, пыралі сылӧн медпыді раскӧдз.

Еремей 49:27

Дамаск карлысь стенъяссӧ Ме сота, Бен-Хададлысь изкарсӧ би ньылыштас.

Езекиль 26:7

Господь Ыджыдыс тадзи висьталӧ: Ме вайӧда Тир вылӧ вавилонса Навукодоносор ӧксыӧс, ӧксыяслысь ӧксыӧс. Сійӧ локтас войвывсянь вӧвъясӧн, тарантасъясӧн да верзьӧмаясӧн – ыджыдсьыс-ыджыд тышкайӧзӧн.

Даниил 2:37

Ӧксыӧй, тэ – ӧксыяслӧн ӧксы. Енэжвывса Енмыс сетіс тэныд юралӧм, ыджыдалӧм, вын да нималӧм.

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Амос 1:4

Та понда Азаиллысь керкасӧ Ме биӧн сота, Бен-Хададлысь изкарсӧ би ньылыштас.

Индӧд 20:1

«Кор ті петанныд тышӧ да аддзанныд, мый вӧрӧглӧн вӧв-тарантасыс да тышкайӧзыс унджык тіян дорысь, энӧ полӧй, ӧд тіянкӧд Господь, тіян Енныд, коді петкӧдіс тіянӧс Египет муысь.

Индӧд 28:52

Сійӧ муас, мый Господь, тіян Енныд, сетас тіянлы, найӧ кытшаласны тіянлысь каръяснытӧ да кисьтасны джуджыд ён стенъяснытӧ, мый вылӧ ті лачанытӧ кутанныд.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Ёрдысьяс 4:3

Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Ӧксыяслӧн 1 небӧг 13:5

Филистимсаяс лӧсьӧдчисны петны тышӧ Израильлы паныд. Налӧн вӧлі комын сюрс тарантас да квайт сюрс верзьӧма, а пода йӧзыс – саридздор лыа мында. Филистимса тышкайӧз локтісны да сувтісны Микмасӧ, Бет-Авенсянь асыввывладорӧ.