Ӧксыяслӧн 3 небӧг 2:6 - Коми Библия 2023

⁶ Тэ ӧд мывкыд морт, сідзкӧ, вӧч мывкыд морт моз. Эн сет пӧрысьмӧм нин Йоавлы лӧня вуджны кулӧмаяс дінӧ.

Ӧксыяслӧн 3 небӧг 2:6 ပူးပေါင်းရင်းမြစ်များ

Олӧм 42:38

Яков шуис: «Оз мун менам пиӧй тіянкӧд. Сылӧн вокыс куліс, и сійӧ ӧтнасӧн менам колис. Туяс кӧ сыкӧд мыйкӧ лоӧ, ті менӧ, пӧрысь мортӧс, шогӧ вӧйтанныд да кулӧмаяс дінӧ мӧдӧданныд».

Олӧм 9:5

Тіян вир вӧсна – олӧмнытӧ мырддьӧм вӧсна – Ме водзӧс перъя сылысь, коді кисьтас вирнытӧ, пемӧс-ӧ сійӧ либӧ морт.

Олӧм 9:6

Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.

Ӧксыяслӧн 2 небӧг 3:39

Менӧ мавтыштӧмӧн пуктӧма ӧксыӧ, но ӧні ме абу на сэтшӧм вына. А тайӧ йӧзыс, Саруялӧн пияныс, меысь ёна вынаджыкӧсь. Сідзкӧ, Господь мед Ачыс мынтысяс лёк вӧчысьлы сылӧн лёк вӧчӧмысь!»

Ӧксыяслӧн 3 небӧг 2:7

А галаадса Барзиллайлӧн пиян дінӧ ло бур сьӧлӧма. Лэдз налы пӧткӧдчыны аслад пызан сайын, ӧд найӧ отсалісны меным, кор ме пышйи тэнад Авессалом вокысь.

Ӧксыяслӧн 3 небӧг 2:9

А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».

Ӧксыяслӧн 3 небӧг 3:12

Ме вӧча тэнад корӧм серти. Ме сета тэныд ыджыд мывкыдлун да сюсь вежӧр. Тэ кодь мортыс эз вӧв, и тэ бӧрын оз ло.

Ӧксыяслӧн 4 небӧг 22:20

Ме вуджӧда тэнӧ батьясыд дінӧ. Тэ лӧня кулан, и тэнӧ пуктасны дзебанінӧ. Тэнад синмыд оз аддзыв сійӧ ыджыд шогсӧ, мый Ме ыста тайӧ карыс вылӧ”». Мӧдӧдӧмаяс бӧр локтісны да висьталісны ӧксылы тайӧ кывъяссӧ.

Шусьӧгъяс 20:26

Мывкыд ӧксы лёк вӧчысьясӧс тӧлӧдас, вартан гӧгыльӧн на вывті мунас.

Шусьӧгъяс 28:17

Вир кисьтысь пондас кувтӧдзыс пышъявны – энӧ кутӧй сійӧс.

Еклесиаст 8:11

Лёк вӧчысьӧс кӧ дзик пыр оз мыждыны, сэки сійӧ водзӧ кутас лёксӧ вӧчны.

Исай 48:22

Ентӧг олысьяслӧн лӧньлуныс абу, – висьталӧ Господь.

Исай 57:2

сылӧн эм лӧньлун. Веськыд туйӧд ветлысь шойччӧ вольпась вылас.

Исай 57:21

Ентӧг олысьяслӧн лӧньлуныс абу, – висьталӧ менам Енмӧй.

Исай 65:20

Сэні оз кув пузчужӧм кага, пӧрысь морт кутас тырвыйӧ овны ассьыс олан лунъяссӧ. Коді кулас сё арӧсаӧн, сійӧс лыддясны том кулысьӧн, а коді оз ов сё арӧсӧдз, сійӧс шуасны ёрӧмаӧн.

Лыд 35:33

Энӧ пежалӧй мунытӧ, кӧні ті кутанныд овны. Вир пежалӧ мусӧ, и муыс вермӧ сӧстӧммыны сӧмын вир кисьтысьлӧн вирӧн.