Ӧксыяслӧн 3 небӧг 2:44 - Коми Библия 2023

⁴⁴ Сэсся ӧксы шуис Шимейлы: «Тэ ачыд тӧдан, кутшӧм лёктор тэ вӧчин менам Давид батьлы. Господь мед бергӧдас лёк вӧчӧмтӧ ас вылад.

Ӧксыяслӧн 3 небӧг 2:44 ပူးပေါင်းရင်းမြစ်များ

Ӧксыяслӧн 3 небӧг 2:43

Кыдзи нӧ тэ лысьтін торкны Господь водзын сетӧм кывтӧ да менсьым тшӧктӧмӧс?»

Ӧксыяслӧн 4 небӧг 11:1

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

Ӧксыяслӧн 4 небӧг 11:12

Иодай поп петкӧдіс ӧксылысь Йоас писӧ крамысь, пуктіс сылы юр вылас юркытш да сетіс сылы Индӧд небӧг. Сэсся пуктісны сійӧс ӧксыӧ да мавтыштісны. Войтырыс кинаныс клопайтӧмӧн горзіс: «Мед олас ӧксы!»

Псалтыр 7:16

Сійӧ кодйӧ гу, но ачыс сэтчӧ усьӧ.

Шусьӧгъяс 5:22

Лёк вӧчысьӧс сылӧн вӧчӧмторъясыс кыйӧны, мыжыслӧн кӧртӧдӧ сійӧ ачыс шедӧ.

Езекиль 17:19

Господь Ыджыдыс тадзи висьталӧ: Ме Ачым кыв сетӧмӧн шуа, мый мынтыся сылы уджъясыс серти. Ӧд Ме водзын сетӧм кывсӧ сійӧ нинӧмӧ пуктіс да Ме водзын вынсьӧдӧм сёрнитчӧмсӧ торкис.

Осий 4:9

Мый суас войтырсӧ, суас тшӧтш попӧс. Ме мыжда найӧс ставнысӧ олан туйсьыныс, мынтыся налы уджъясныс серти.

Иоан 8:9

Исуслысь кывъяссӧ кылӧм бӧрын йӧзыс кутісны разӧдчыны сьӧрсьӧн-бӧрсьӧн, ӧд налӧн сьӧлӧмыс мыждіс найӧс асьнысӧ. Медводз мунісны пӧрысьджыкъяс, сэсся мукӧдыс. Колины сӧмын Исус да Сы водзын сулалысь ань.

Римӧ 2:15

Тайӧ петкӧдлӧ, мый Индӧдсӧ гижӧма налӧн сьӧлӧмас. Буретш та йылысь и висьталӧ налӧн сьӧлӧмыс да мӧвпъясыс, найӧ либӧ мыждӧны, либӧ дорйӧны найӧс.

Ӧксыяслӧн 1 небӧг 25:39

Давидлы кывсис, мый Навал кулӧма, сэки шуис: «Ошкӧм Господьлы, коді мынтысис Наваллы менӧ янӧдӧмысь. Господь видзис менӧ, Ассьыс кесйӧгсӧ, лёк вӧчӧмысь, Сійӧ бергӧдіс лёксӧ Навал вылӧ». Сэсся Давид ыстіс йӧзӧс Авигея дінӧ, мед висьтавны, мый босьтӧ сійӧс гӧтырӧ.