Ӧксыяслӧн 3 небӧг 2:33 - Коми Библия 2023

³³ Тайӧ кык мортлысь вирсӧ кисьтӧмысь мыжыс мед пыр кежлӧ коляс Йоав вылӧ да сысянь чужысьяс вылӧ. А Давидӧс да сысянь чужысьясӧс, сылысь рӧдсӧ да сылысь юралӧмсӧ мед пыр кытшалас Господьлӧн лӧньлуныс».

Ӧксыяслӧн 3 небӧг 2:33 ပူးပေါင်းရင်းမြစ်များ

Олӧм 42:22

Рувим шуис налы: «Эг ӧмӧй шулы тіянлы, мед зонмыслы лёксӧ энӧ вӧчӧй? Но ті энӧ кывзысьӧй. Ӧні сылӧн вирысь ми водзӧс мынтам».

Ӧксыяслӧн 2 небӧг 14:9

Но Текояысь локтӧм ань шуис ӧксылы: «Ӧксыӧй-ыджыдӧй, мед мыжыс кольӧ ме вылын да менам батьлӧн рӧд вылын. Тэнад мыжыс абу, и тэнад ыджыдалӧмын мыжыс абу».

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Ӧксыяслӧн 3 небӧг 2:44

Сэсся ӧксы шуис Шимейлы: «Тэ ачыд тӧдан, кутшӧм лёктор тэ вӧчин менам Давид батьлы. Господь мед бергӧдас лёк вӧчӧмтӧ ас вылад.

Ӧксыяслӧн 3 небӧг 8:32

сэки Тэ кыв енэжсяньыд да веськыда мыжды ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

Ӧксыяслӧн 4 небӧг 5:27

Нееманлӧн проказаыс мед пыр кежлӧ вуджас тэ вылӧ да тэнад рӧд вылӧ». Гезий петіс Елисей ордысь. Сылӧн вир-яйыс вӧлі вевттьысьӧма лым кодь еджыд проказаӧн.

1 Каднебӧг 17:27

Ӧні кора Тэнӧ, бурси менсьым рӧдӧс, мед сійӧ пыр лоас Тэнад чужӧмбан водзын. Господьӧй, Тэ кӧ бурсиан, сэки Тэнад кесйӧглӧн рӧдыс пыр кежлӧ лоӧ бурсиӧма».

Псалтыр 101:8

Ме ог вермы узьнысӧ, лои керка вевт вылын пукалысь ӧтка лэбач кодь.

Псалтыр 21:4

Тэ вежа, Тэ олан Израиль войтыр пӧвстын, найӧ сьылӧмӧн ошкӧны Тэнӧ.

Шусьӧгъяс 25:5

вӧтлы ӧксы дінысь лёк йӧзӧс, сэки веськыдлуныс вынсьӧдас сылысь юралӧмсӧ.

Езекиль 17:19

Господь Ыджыдыс тадзи висьталӧ: Ме Ачым кыв сетӧмӧн шуа, мый мынтыся сылы уджъясыс серти. Ӧд Ме водзын сетӧм кывсӧ сійӧ нинӧмӧ пуктіс да Ме водзын вынсьӧдӧм сёрнитчӧмсӧ торкис.

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Ап. уджъяс 18:6

Иудейяс сувтісны Павеллы паныд, пондісны омӧльтны сійӧс. Сэки Павел паськӧмсӧ пыркнитӧмӧн шуис: «Тіян вирныд ас выланыд кольӧ, а ме сӧстӧм. Ӧні ме муна ентӧдтӧмъяс дінӧ».

Ёрдысьяс 9:24

Тадзи лои, медым водзӧс перйыны Авимелеклысь да сикемсаяслысь – Авимелеклысь сы вӧсна, мый сійӧ виис ассьыс вокъяссӧ, Еровааллысь сизимдас писӧ, а сикемсаяслысь сы вӧсна, мый найӧ отсалісны Авимелеклы вины сылысь вокъяссӧ.