Ӧксыяслӧн 3 небӧг 2:24 - Коми Библия 2023

²⁴ Ловъя Господь водзын, коді Аслас кӧсйысьӧм серти ёнмӧдіс менӧ, пуксьӧдіс менӧ Давид батьӧйлӧн юралан пуклӧсӧ да зумыдмӧдіс менсьым рӧдӧс, ме кыв сета: талун Адоний кулас!»

Ӧксыяслӧн 3 небӧг 2:24 ပူးပေါင်းရင်းမြစ်များ

Ӧксыяслӧн 2 небӧг 12:10

Менӧ нинӧмӧ пуктӧм вӧсна да хеттей Урийлысь гӧтырсӧ аслыд гӧтырӧ босьтӧм вӧсна тэнад керка весьтын пыр кутас ӧшавны ёсь шыпурт”.

Ӧксыяслӧн 2 небӧг 7:27

Тэ, Господь Саваоф, Израильлӧн Ен, восьтін меным, Аслад кесйӧглы, мый зумыдмӧдан менсьым рӧдӧс. Та вӧсна ме повтӧг шыаси Тэ дінӧ аслам кевмысьӧмӧн.

Ӧксыяслӧн 3 небӧг 1:29

Ӧксы кыв сетіс сылы: «Ловъя Господь водзын, коді мездыліс менӧ быд лёксьыс,

Ӧксыяслӧн 3 небӧг 1:46

Соломон пукалӧ нин юралан пуклӧсас.

Ӧксыяслӧн 3 небӧг 1:52

Соломон вочавидзис: «Сійӧ кӧ лоӧ веськыд мекӧд, сылӧн ӧти юрси сі оз усь юр вывсьыс. А кутас кӧ пӧръясьны, кулас».

Ӧксыяслӧн 3 небӧг 10:9

Ошкӧм Господьлы, тэнад Енлы! Аслас кӧсйӧм серти Сійӧ пуксьӧдіс тэнӧ Израильлӧн юралан пуклӧсӧ. Господь дугдывтӧг радейтӧ Израиль войтырӧс, та вӧсна пуктіс тэнӧ ӧксыӧ, медым тэ юралін да мыждін веськыда».

1 Каднебӧг 17:10

кыдзи вӧлі сэки, кор Ме пукті ёрдысьясӧс веськӧдлыны Аслам Израиль войтырӧн. Ме пасьварта став тэнсьыд вӧрӧгтӧ. Ме, Господь, кӧсйыся тэныд, мый зумыдмӧда тэнсьыд рӧдтӧ.

1 Каднебӧг 17:17

Но тайӧ, вӧлӧмкӧ, Тэнад абу на ставыс, Енмӧй! Тэ нӧшта висьталін, мый виччысьӧ Тэнад кесйӧглысь рӧдсӧ. Господьӧй Енмӧй, Тэ видзӧдан ме вылӧ вывті тӧдчана морт вылӧ моз.

1 Каднебӧг 17:23

Ӧні, Господьӧй, пыр кежлӧ вынсьӧд да збыльмӧд Ассьыд кывъястӧ, мый Тэ шуин ме йылысь да менам рӧд йылысь.

1 Каднебӧг 22:10

Сійӧ лэптас Меным крам, и сійӧ лоӧ Меным пиӧн, а Ме лоа сылы Батьӧн. Ме пыр кежлӧ вынсьӧда сылысь юралӧмсӧ Израильын”.

1 Каднебӧг 29:23

Соломон пуксис Господьлӧн юралан пуклӧсӧ, сійӧ лои ӧксыӧн аслас Давид батьыс пыдди. Сылӧн ставыс артмис, и Израиль войтыр кывзысис сылысь.

Псалтыр 127:1

Крамӧ мунігӧн сьылӧм. Шуда сійӧ, коді полӧ Господьысь, ветлӧ Сылӧн туйясӧд.

Петӧм 1:21

Сыысь, мый гӧгиньяс полісны Енмысь, Енмыс бурсиис найӧс челядьӧн.

Шусьӧгъяс 20:2

Ӧксылӧн скӧрлуныс левлӧн равзӧм кодь, сійӧс дӧзмӧдысьыс лёксӧ аслыс вӧчӧ.

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.