Ӧксыяслӧн 3 небӧг 19:5 - Коми Библия 2023

⁵ Сэсся водіс пу улӧ да унмовсис. Сэки андел инмӧдчис сы дінӧ да шуис: «Чеччы, сёй [да ю]».

Ӧксыяслӧн 3 небӧг 19:5 ပူးပေါင်းရင်းမြစ်များ

Ӧксыяслӧн 3 небӧг 19:4

ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».

Ӧксыяслӧн 3 небӧг 19:6

Илля видзӧдліс да аддзис юр дорсьыс пӧжалӧм сӧчӧн да ва тыра гырнич. Илля сёйыштіс-юыштіс да бара водіс.

Псалтыр 34:10

Став менам лыясӧй шуӧны: «Господьӧй, Тэ кодь мӧдыс абу. Жебӧс Тэ мездан вынаысь, гӧльӧс да коньӧрӧс – сійӧс нартитысьысь».

Псалтыр 34:7

Ме нинӧм лёксӧ эг вӧч, но найӧ пуктісны нальк, медым кыйны менӧ, кодйисны джуджыд гу, медым босьтны менсьым олӧмӧс.

Даниил 8:19

Сійӧ шуис меным: «Ме восьта тэныд, мый лоӧ бӧръя скӧралан лунъясӧ. Ӧд сійӧ, мый тэ аддзылін, висьталӧ урчитӧм бӧръя кад йылысь.

Даниил 9:21

Менам кевмысигӧн петкӧдчис Гавриил, кодӧс ме водзынджык аддзылі. Рытъя вись ваян кадӧ сійӧ зэв ӧдйӧ лэбзис мелань да инмӧдчис ме дінӧ.

Закар 4:1

Андел, коді водзынсӧ сёрнитіс мекӧд, бӧр локтіс да узян унмысь моз садьмӧдіс менӧ.

Ап. уджъяс 12:7

Виччысьтӧг Господьлӧн андел сувтіс сы водзӧ, и гӧгӧр югдіс. Петырлы инмӧдчиг андел садьмӧдіс сійӧс да шуис: «Чеччы ӧдйӧджык». Петырлӧн киыс дзик пыр мыніс чепъясысь.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.