Ӧксыяслӧн 3 небӧг 19:21 - Коми Библия 2023

²¹ Елисей бӧр бергӧдчис видз-му вылас да начкис кык ӧшкӧс. Гӧрсӧ сотіс, а би вылас пражитіс ӧш яйсӧ да сетіс йӧзыслы. Найӧ сёйисны. Сэсся Елисей муніс Илля бӧрся да кутіс кесъявны сылы.

Ӧксыяслӧн 3 небӧг 19:21 ပူးပေါင်းရင်းမြစ်များ

Ӧксыяслӧн 2 небӧг 24:22

Орнан шуис: «Ӧксыӧй-ыджыдӧй, босьт вись вайӧм вылад ставсӧ, мый кӧсъян. Ассьым ӧшъясӧс ме сета сотан вись пыдди, доддьӧс да сийӧсӧс – пес пыдди.

Ӧксыяслӧн 3 небӧг 18:43

Аслас кесйӧглы шуис: «Мун да видзӧдлы саридзланьыс». Мӧдыс ветліс, видзӧдліс да шуис: «Ме нинӧм эг аддзы». «Мун, бара ветлы», – шуис кесйӧгыслы Илля. Тадзи сизимысь тшӧктіс ветлыны.

Ӧксыяслӧн 4 небӧг 2:3

Вефильын Елисейлы воча петісны сэтчӧс пророк-велӧдчысьяс да шуисны: «Тӧдан-ӧ, мый талун Господь босьтас Ас дінас тэнсьыд ыджыдтӧ?» Елисей вочавидзис: «Тӧда. Но ті чӧв олӧй!»

Ӧксыяслӧн 4 небӧг 3:11

Иосафат юаліс: «Эм-ӧ миян пӧвстын Господьлӧн пророк, кодлысь эськӧ ми вермам юавны, мый Господь шуас миянлы?» Израильса ӧксылӧн кесйӧгъясысь ӧти шуис: «Тані эм Шафатлӧн Елисей пиыс, сійӧ коркӧ кесъявліс Илля пророклы».

Петӧм 24:13

Мӧисей мӧдӧдчис Исус кесъялысьыскӧд Енлӧн керӧс вылӧ.

Ап. уджъяс 13:5

Кипрӧ воӧм бӧрын сувтісны Саламинӧ. Сэні иудейяслӧн синагогаясын висьталісны Енлысь кывсӧ. Накӧд тшӧтш вӧлі Иоан, коді отсасис налы.

2 Тимофейлы 4:11

Босьт аскӧдыд Маркӧс, сійӧ лоӧ бур отсасьысьӧн менам уджын.

Филимонлы 1:13

Кӧсйи сійӧс кольӧдны ас дінӧ, мед тэ пыдди отсасьыштас меным Бур Юӧр вӧсна пукалігӧн.

Ӧксыяслӧн 1 небӧг 6:14

Тарантас воис Бет-Шемешын олысь Исуслӧн му вылӧ да сувтіс ыджыд из дорӧ. Тарантассӧ кералісны пес вылӧ, а мӧсъяссӧ вайисны Господьлы сотан вись пыдди.