Ӧксыяслӧн 3 небӧг 19:10 - Коми Библия 2023

¹⁰ Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 19:10 ပူးပေါင်းရင်းမြစ်များ

Ӧксыяслӧн 3 небӧг 18:10

Ловъя Господь водзын, тэнад Ен водзын, шуа: менам ыджыдӧй мӧдӧдліс корсьны тэнӧ быд муӧ да быд войтыр пӧвстӧ. Ставныслы сійӧ тшӧктыліс кыв сетны, мый эз аддзывны тэнӧ.

Ӧксыяслӧн 3 небӧг 18:17

и кор паныдасис Иллякӧд, шуис сылы: «Тэ-ӧ тайӧ, Израильлы шогсӧ вайысьыс?»

Ӧксыяслӧн 3 небӧг 18:20

Ахав мӧдӧдіс юӧр став Израиль войтырлы да чукӧртіс пророкъясӧс Кармил керӧсӧ.

Ӧксыяслӧн 3 небӧг 18:22

Сэки Илля шуис войтырыслы: «Господьлӧн пророкъясысь ме ӧтнам коли, а Вааллӧн пророкъясыс – нёльсё ветымын морт. [Нӧшта Астарталӧн – нёльсё пророк.]

Ӧксыяслӧн 3 небӧг 18:30

Илля корис Израиль войтырӧс матыстчыны ас дінас. Ставныс матыстчисны. Илля кутіс тэчны Господьлысь жуглӧм висьпуктанінсӧ.

Ӧксыяслӧн 3 небӧг 18:4

Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні.

Ӧксыяслӧн 3 небӧг 19:14

Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 19:2

Езавель мӧдӧдіс Илля дінӧ юӧртысьӧс, тшӧктіс висьтавны сылы: «[Тэ кӧ Илля, а ме Езавель, сідзкӧ] енъяс мед ёна мыждасны менӧ, ме кӧ аски тайӧ кадӧдзыс ог вӧч тэкӧд сійӧ, мый тэ вӧчин пророкъяскӧд».

Ӧксыяслӧн 3 небӧг 20:13

Сэки ӧти пророк локтіс израильса Ахав ӧксы дінӧ да шуис: «Господь тадзи висьталӧ: ”Аддзан-ӧ тайӧ уна лыда тышкайӧзсӧ? Талун Ме сета найӧс тэнад киӧ, медым тэ тӧдін, мый Ме – Господь”».

Ӧксыяслӧн 3 небӧг 20:22

Израильса ӧксы дінӧ матыстчис пророк да шуис: «Бӧр мун да дасьтысь, ӧд во мысти арамейяслӧн ӧксы бара уськӧдчас тэ вылӧ. Бура мӧвпышт, мый тэныд вӧчны».

Ӧксыяслӧн 3 небӧг 20:35

Господьлӧн тшӧктӧм серти ӧти пророк шуис мӧдлы: «Нӧйт менӧ». Но мӧдыс эз кут тайӧс вӧчны.

Ӧксыяслӧн 3 небӧг 22:8

Израильса ӧксы вочавидзис Иосафатлы: «Эм нӧшта ӧти морт, код пыр ми вермам юавны Господьлысь. Тайӧ Микей, Имлайлӧн пиыс. Но ме мустӧмта тайӧ мортсӧ. Сійӧ некор оз пророкав меным бурсӧ, а сӧмын лёксӧ». Иосафат шуис: «Ӧксыӧй, тэныд оз позь тадзи сёрнитны».

Ӧксыяслӧн 4 небӧг 10:16

Еху шуис: «Мунам мекӧд. Тэ аддзан, кыдзи сьӧлӧмсянь ме тышкася Господь вӧсна». Ионадав сӧліс Ехулӧн тарантасӧ, и найӧ мунісны водзӧ.

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Петӧм 20:5

Эн копрась да эн юрбит налы, ӧд Ме, Господь, тэнад Ен – вежӧгтысь Ен. Батьныслӧн мыж вӧсна Ме водзӧс перъя Менӧ мустӧмтысь челядьыслысь коймӧд да нёльӧд чужанвужйӧдз.

Петӧм 34:14

Господьысь ӧтдор мукӧд енъяслы энӧ копрасьӧй, ӧд Господь – вежӧгтысь Ен.

Исай 49:4

А ме чайті, мый весьшӧрӧ ме мырси-уджалі, весьшӧрӧ да ковтӧг ассьым вынӧс вошті. Но Господьсянь лоӧ меным веськыда мыждӧмыс, менам Енсянь лоӧ меным тырдоныс.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Еремей 36:26

Ӧксы тшӧктіс аслас рӧдысь Ерахмеэллы, Азриэллӧн Серай пилы да Авдиэллӧн Шелемей пилы босьтны Барук гижалысьӧс да Еремей пророкӧс, но Господь дзебис найӧс.

Осий 5:11

Ефремӧс лямӧдӧма, веськыда мыждӧмыс пасьвартӧма сійӧс, ӧд сійӧ шуис овны мортлӧн тшӧктӧмъяс серти.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Лыд 25:11

«Пинес, Аарон поплӧн Элазар пиыслӧн пиыс, вештіс Израиль пиян вылысь Менсьым скӧрлунӧс. Ме пыдди сійӧ водзӧс перйис, медым вежӧгтігӧн Ме эг бырӧд Израиль войтырӧс.

Лыд 25:13

Тайӧ йитӧд сертиыс сылы да сысянь чужысьяслы нэмъяс кежлӧ шуӧма кесъявны попъясӧн. Ӧд сійӧ петкӧдліс аслас Ен вӧсна вежӧгтӧмсӧ, и тадзи вештіс Израиль пиянлысь мыжсӧ».

Иоан 2:17

Сэки Исуслӧн велӧдчысьяслы тӧд выланыс уси Гижӧдас висьталӧмыс: «Тэнад керка вӧсна вежӧгтӧмыс топӧдӧ менсьым сьӧлӧмӧс».

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Еврейяслы 11:37

Мӧдъясӧс изъялісны, быд ногыс дойдалісны, пилитісны шӧрипӧв да виисны шыпуртӧн. Коймӧдъяс ветлісны кӧза да ыж ку паськӧмӧн, пыкисны гӧльлун, найӧс нӧйтісны да вӧтлісны.