Ӧксыяслӧн 3 небӧг 18:42 - Коми Библия 2023

⁴² Ахав муніс сёйны-юны. А Илля кайис Кармил керӧсӧ, сувтіс пидзӧс вылас да юрсӧ пидзӧс костас сюйӧмӧн копыртчис муӧдзыс.

Ӧксыяслӧн 3 небӧг 18:42 ပူးပေါင်းရင်းမြစ်များ

Олӧм 24:52

Тайӧс кылӧм бӧрын Ӧвраамлӧн кесйӧг копыртчыліс Господьлы муӧдзыс.

Ӧксыяслӧн 2 небӧг 12:16

Давид кевмысис Енлы пи вӧснаыс. Сійӧ видзаліс да войбыд куйліс му вылас.

Ӧксыяслӧн 3 небӧг 18:41

Илля шуис Ахавлы: «Мун сёйны-юны. Зэр шыыс кылӧ нин».

Ӧксыяслӧн 3 небӧг 18:43

Аслас кесйӧглы шуис: «Мун да видзӧдлы саридзланьыс». Мӧдыс ветліс, видзӧдліс да шуис: «Ме нинӧм эг аддзы». «Мун, бара ветлы», – шуис кесйӧгыслы Илля. Тадзи сизимысь тшӧктіс ветлыны.

Ӧксыяслӧн 3 небӧг 19:13

Тайӧс кылігӧн Илля тупкис чужӧмсӧ аслас кышанӧн, петіс кырта горсйысь да сувтіс кырта горсйӧ пыранін дорас. И кыліс гӧлӧс шы: «Илля, тэ мыйла тані?»

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Иов 37:11

Сійӧ тыртӧ кымӧрӧс ваӧн, Сылӧн чардбиыс сявкйӧ кымӧрсянь.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Исай 38:2

Сэки Езекей бергӧдчис стенланьыс да кевмысис Господьлы:

Исай 6:2

Сы дінын сулалісны серафимъяс. Налӧн быдӧнлӧн вӧлі квайт борд. Кык борднас найӧ вевттисны чужӧмнысӧ, мӧд кык борднас – кокнысӧ, и нӧшта кык борднас лэбалісны.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Даниил 9:3

Ме шыаси Господь Ен дінӧ, кевмыси да видзалі, пасьталі шогалан паськӧм да коялі юрӧс пӧимӧн.

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Матвей 14:23

Йӧзӧс ыстӧм бӧрын Исус кайис керӧсӧ кевмысьны да рытсӧ сэні вӧлі ӧтнас.

Марк 14:35

Ачыс водзлань муныштіс да муӧ уськӧдчӧмӧн пондіс кевмысьны, медым, позис кӧ, тайӧ кадыс ордйис Сійӧс.

Лука 6:12

Сійӧ лунъясӧ Исус кайис керӧсӧ кевмысьны да войбыд кевмысис сэні Енмыслы.

Ап. уджъяс 10:9

Мӧд луннас найӧ вӧлі матыстчӧны карланьыс. Буретш сэки, луншӧр кадӧ, Петыр кайис керка вылас кевмысьны.

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Ӧксыяслӧн 1 небӧг 12:18

Самуил шыасис Господь дінӧ, и Господь ыстіс сійӧ лунӧ гым да зэр. Ставнысӧ полӧм босьтіс Господьысь да Самуилысь.