Ӧксыяслӧн 3 небӧг 18:3 - Коми Библия 2023

³ Ахав корис Авдийӧс, ӧксы керкаӧн веськӧдлысьӧс. Авдий поліс-вежавидзис Господьысь.

Ӧксыяслӧн 3 небӧг 18:3 ပူးပေါင်းရင်းမြစ်များ

Олӧм 22:12

Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».

Олӧм 24:10

Кесйӧг босьтіс Ӧвраам ыджыдыслӧн верблюд чукӧрысь дас верблюдӧс да сылӧн озырлунысь быдсикас донаторсӧ, сэсся мӧдӧдчис Месопотамияӧ, Нахорлӧн карӧ.

Олӧм 24:2

Овмӧснас веськӧдлысь кесйӧгыслы Ӧвраам шуис: «Менам лядьвейӧ китӧ пуктӧмӧн

Олӧм 39:9

Меысь ыджыдыс тайӧ керкаас абу. Ставыс менам киын – тэысь кындзи, ӧд тэ сылӧн гӧтыр. Ме ог кӧсйы вӧчны тайӧ ыджыд лёкторсӧ да мыжсӧ Енлы паныд».

Олӧм 41:40

Тэ лоан менам керка вылын ыджыднас, тэнсьыд кутас кывзысьны менам войтырӧй. Но юралан пуклӧсыс менам, и ме тэысь ыджыдджык.

Олӧм 42:18

Коймӧд луннас Ӧсип шуис налы: «Вӧчӧй, мый ме тшӧкта, сэки ловйӧн колянныд, ӧд ме пола Енсьыс.

Ӧксыяслӧн 3 небӧг 16:9

Элай ӧксылӧн Зимри нима кесйӧгыс, коді веськӧдліс тарантаса джын тышкакотырӧн, гусьӧн кыпӧдчис ӧксылы паныд. Ӧтчыд Тирза карын, ӧксы керкаӧн веськӧдлысь Арс нима морт ордын, Элай ӧксы коддзытӧдзыс юис.

Ӧксыяслӧн 3 небӧг 18:12

Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн.

Ӧксыяслӧн 3 небӧг 18:2

Илля муніс Ахав дінӧ. Самарияын сэки йӧзыс зэв ёна тшыгъялісны.

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Неемий 7:2

Ме пукті Ерусалимын юравны ассьым Ханани вокӧс да Хананейӧс, изкарӧн веськӧдлысьӧс, коді эз вудж ассьыс кывсӧ, а поліс Енмысь. Ме тшӧкті налы:

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Псалтыр 112:1

Аллилуйя! Господьлӧн кесйӧгъяс, ошкӧй Господьлысь нимсӧ!

Шусьӧгъяс 14:26

Господьысь полӧмыс – тэнад зумыд лачаыд, Сыысь полӧмыс видзас тшӧтш тэнсьыд ныв-питӧ.

Малакий 3:16

Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.

Матвей 10:28

Энӧ полӧй вир-яйтӧ виысьясысь, ловтӧ вины найӧ оз вермыны. Полӧй Сыысь, коді ловтӧ да вир-яйтӧ вермӧ бырӧдны адын.

Матвей 25:17

Тадзи вӧчас тшӧтш мӧдыс да содтӧд босьтас кык талант.

Ап. уджъяс 10:2

Сійӧ вӧлі вежавидзысь морт, ачыс да сылӧн гортсаыс олісны Енмысь полӧмӧн. Корнилий отсасис гӧль иудейяслы да пыр кевмысис Енлы.

Ап. уджъяс 10:35

Быд войтыр пӧвстысь Сійӧ сибӧдӧ найӧс, кодъяс олӧны веськыда да Сыысь полӧмӧн.