Ӧксыяслӧн 3 небӧг 18:26 - Коми Библия 2023

²⁶ Найӧ босьтісны ӧшкӧс да начкисны сійӧс. Сэсся асывсяньыс луншӧрӧдзыс найӧ горзісны: «Ваал! Кыв миянӧс!» Найӧ весиг чеччалісны висьпуктанін гӧгӧр, но некод эз вочавидз.

Ӧксыяслӧн 3 небӧг 18:26 ပူးပေါင်းရင်းမြစ်များ

Ӧксыяслӧн 3 небӧг 18:24

Вааллӧн пророкъяслы Илля шуис: «Ті шыасьӧй асланыд ен дінӧ, а ме шыася Господь [аслам Ен] дінӧ. Сійӧ енмыс, коді ыстас бисӧ, эм збыль Ен». Став войтырыс вочавидзис: «Бур. [Мед лоӧ тадз.]»

Ӧксыяслӧн 3 небӧг 18:25

Илля шуис Вааллӧн пророкъяслы: «Ті унджыкӧнӧсь, та вӧсна медводз ті бӧрйӧй ӧшсӧ да начкӧй сійӧс. Сэсся шыасьӧй асланыд ен дінӧ, но бисӧ энӧ ӧзтӧй».

Ӧксыяслӧн 3 небӧг 18:27

Луншӧр кадӧ Илля кутіс серавны на вылын: «Гораджыка горзӧй! Сійӧ ӧд ен! Гашкӧ, сійӧ мӧвпалӧ мый йылысь кӧ? Гашкӧ, мыйкӧ вӧчӧ ӧні? А колӧкӧ, кытчӧкӧ муніс? Гашкӧ, узьӧ да, и сійӧс колӧ садьмӧдны?»

Петӧм 8:14

Быдлаын йӧзыс чукӧртісны жаба шойяс. Му пасьтала сулаліс лёк дук.

Исай 37:38

Кор Сеннахирим юрбитіс аслас Нисрох нима енлӧн крамын, сылӧн Адрамелек да Сарецер пияныс виисны сійӧс шыпуртӧн. Сэсся найӧ пышйисны Арарат муӧ. Сеннахирим пыдди ӧксыӧ пуксис сылӧн Асардан пиыс.

Исай 44:17

Мӧд джынсьыс сійӧ вӧчӧ енмӧс, вӧчӧ аслыс бӧлбанӧс да юрбитӧ сылы, копрасьӧ сылы да кевмысьӧ: «Мезды менӧ, ӧд тэ – менам ен».

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 46:7

Найӧ лэптӧны ассьыныс енсӧ пельпом выланыс, нуӧны сійӧс да сувтӧдӧны аслас местаӧ. Сійӧ сулалӧ, оз вешйыв места вывсьыс. Найӧ горзӧмӧн шыасьӧны сы дінӧ, но сійӧ оз вочавидз, оз мезды шогъясысь.

Еремей 10:5

Бӧлбанъяс – град йӧрын сулалысь повзьӧдчанторъяс кодьӧсь, сёрнитны оз вермыны. Найӧс новлӧдлӧны, ӧд асьныс ветлыны оз вермыны. Энӧ полӧй наысь, ӧд лёксӧ вӧчны найӧ оз вермыны, и бурсӧ вӧчны тшӧтш оз вермыны.

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Иона 1:5

Кывтысьяс ёна повзисны. Быдӧн кутіс кевмысьны аслас енлы. Корабльсӧ кокньӧдӧм могысь шыблалісны саридзӧ ставсӧ, мый позис шыбитны. А Иона сійӧ кадас чорыда узис корабль пытшкын.

Аввакум 2:18

Вермас-ӧ отсавны бӧлбан – пуысь вӧчӧмторйыс? Вермас-ӧ отсавны идол – сывдӧмӧн вӧчӧм ылӧгвелӧдысьыс? Но вӧчасьысь лача кутӧ аслас идол вылӧ, сёрнитны вермытӧм ен вылӧ.

Аввакум 2:19

Курыд шог сылы, коді пуысь вӧчӧмторлы шуӧ: «Садьмы!» и сёрниттӧм излы: «Чеччы!» Вермасны-ӧ найӧ мыйӧкӧ велӧдны? Найӧс эжӧма эзысь-зарниӧн, но на пытшкын ловшыыс абу.

Софоний 1:9

Ме мыжда сійӧ лунӧ быдӧнӧс, коді воськовтігас полӧ тувччыны тагӧс вылӧ, коді ыджыдыслысь керкасӧ тыртӧ виалӧм-дзескӧдӧмӧн да ылӧгӧн.

Матвей 6:7

Кевмысиганыд ентӧдтӧмъяс моз энӧ шуалӧй ковтӧмсӧ. Найӧ чайтӧны, мый уна кыв шуӧмнысла Енмыс кылас найӧс.

1 Коринфӧ 12:2

Кор ті вӧлінныд ентӧдтӧмъясӧн на, тіянӧс ёна кыскис сёрниттӧм идолъяс дінӧ. Ті асьныд тӧданныд та йылысь.

1 Коринфӧ 8:4

Ӧні висьталышта идоллы вайӧм сёян йылысь. Ми тӧдам, мый идолыс збыльвылас абу, эм сӧмын ӧти Ен.

Ӧксыяслӧн 1 небӧг 5:3

Водз асывнас азотса олысьяс локтісны юрбитанінӧ да аддзисны, мый Дагон бӧлбан кымынь куйлӧ Господьлӧн куд водзын. Дагонӧс босьтісны да сувтӧдісны бӧр аслас местаӧ.