Ӧксыяслӧн 3 небӧг 18:21 - Коми Библия 2023

²¹ Илля матыстчис войтырыс дінӧ да шуис: «Дыр-ӧ на ті кутанныд чотны кыкнан кокнаныд? Господь кӧ эм Ен, кывзысьӧй Сылысь, Ваал кӧ енмыс, сылысь кывзысьӧй». Войтырыс чӧв оліс.

Ӧксыяслӧн 3 небӧг 18:21 ပူးပေါင်းရင်းမြစ်များ

Олӧм 24:50

Лаван да Бетуэл вочавидзисны: «Тайӧ Господьсянь. Мый ми тані вермам шуны?

Олӧм 44:16

Иуда шуис: «Мый миянлы шунысӧ тэныд, ыджыдӧй? Дзик нинӧм, и дорйысьнысӧ некыдз. Енмыс аддзӧ миянлысь мыжсӧ. Ыджыдӧй, ми – тэнад кесйӧгъяс. Тэныд кутас кесъявны оз сӧмын сійӧ, код ордысь сюри тэнад дозмукыд, но сыкӧд тшӧтш ми ставным кутам кесъявны».

Ӧксыяслӧн 3 небӧг 18:20

Ахав мӧдӧдіс юӧр став Израиль войтырлы да чукӧртіс пророкъясӧс Кармил керӧсӧ.

Ӧксыяслӧн 3 небӧг 18:39

Кор йӧзыс аддзисны тайӧс, кымынь уськӧдчисны муас да шуисны: «Господь эм Ен! Господь эм Ен!»

Ӧксыяслӧн 4 небӧг 17:41

Найӧ юрбитісны Господьлы, но тшӧтш и асланыс идолъяслы. Весиг ӧнӧдз налӧн челядьыс да челядьныслӧн челядьыс кутчысьӧны батьясныслӧн оласногӧ.

1 Каднебӧг 17:26

Господьӧй, Тэ – Ен. Татшӧм буртор Тэ кӧсйысин меным, Аслад кесйӧгыдлы.

2 Каднебӧг 33:13

Манассей кевмысис Енлы, и Енмыс кыліс сылысь кевмӧмсӧ да бӧр бергӧдіс сійӧс Ерусалимӧ ӧксыавны. Тадзи Манассей тӧдмаліс, мый Господь эм Ен.

Псалтыр 100:3

Став шогмытӧмсӧ ме ылыста аслам син водзысь, лёк вӧчӧмсӧ ме мустӧмта, сійӧ оз ляксьы ме дінӧ.

Осий 10:2

Кык пельӧ торъяліс налӧн сьӧлӧмыс, та вӧсна найӧс лоӧ мыждӧма. Господь пазӧдас налысь висьпуктанінъяссӧ, жуглас юрбитан изъяссӧ.

Софоний 1:5

бырӧда найӧс, кодъяс керка вевт вылын юрбитӧны енэжвыв вынъяслы, кодъяс юрбитӧны да кыв сетӧны Ме водзын да асланыс Молок идол водзын,

Матвей 22:12

Ӧксы юалас сылысь: ”Ёртӧй, кыдзи тэ пырин татчӧ кӧлысь паськӧмтӧгыс?” Сійӧ кыв оз шу.

Матвей 22:34

Фарисейяс кор кылісны, мый Исус ланьтӧдӧма саддукейясӧс, чукӧртчисны ӧтлаӧ.

Матвей 22:36

«Велӧдысь, Индӧдас кутшӧм тшӧктӧм медыджыд?»

Матвей 6:24

Морт оз вермы кесъявны кык ыджыдлы. Ӧтисӧ кӧ радейтӧ, мӧдсӧ мустӧмтӧ. Ӧтисӧ кӧ пыдди пуктӧ, мӧдсӧ увтыртӧ. Ті онӧ вермӧй кесъявны Енлы, кесъяланныд кӧ озырлунлы».

Лука 6:13

Луннас Сійӧ корис Ассьыс велӧдчысьяссӧ да бӧрйис на пӧвстысь дас кыкӧс, кодъясӧс нимтіс апостолъясӧн. Тайӧ вӧліны:

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Индӧд 4:35

Тіянлы сетӧма тайӧс аддзывны, медым ті тӧдінныд, мый Господь эм Ен, и Сыысь кындзи мӧдыс абу.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».