Ӧксыяслӧн 3 небӧг 18:19 - Коми Библия 2023

¹⁹ Ӧні мӧдӧд йӧзтӧ, мед Кармил керӧсӧ чукӧртасны ме дінӧ став Израиль войтырӧс, тшӧтш Вааллысь нёльсё ветымын пророкӧс да Астарталысь нёльсё пророкӧс, кодъяс сёйӧны Езавельлӧн пызан сайын».

Ӧксыяслӧн 3 небӧг 18:19 ပူးပေါင်းရင်းမြစ်များ

Ӧксыяслӧн 3 небӧг 15:13

Аслас Маака пӧчыслы Аса эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ да сотіс сійӧс Кедрон ковтысын.

Ӧксыяслӧн 3 небӧг 16:33

Сійӧ сувтӧдіс юрбитан пуяс. Сыӧдз вӧвлӧм израильса ӧксыяс дорысь Ахав аслас уджъяснас медъёна скӧрмӧдіс Господьӧс, Израильлысь Енсӧ [та вӧсна сылӧн олӧмыс орис].

Ӧксыяслӧн 3 небӧг 18:20

Ахав мӧдӧдіс юӧр став Израиль войтырлы да чукӧртіс пророкъясӧс Кармил керӧсӧ.

Ӧксыяслӧн 3 небӧг 18:22

Сэки Илля шуис войтырыслы: «Господьлӧн пророкъясысь ме ӧтнам коли, а Вааллӧн пророкъясыс – нёльсё ветымын морт. [Нӧшта Астарталӧн – нёльсё пророк.]

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Ӧксыяслӧн 4 небӧг 10:19

Корӧй ме дінӧ Вааллысь пророкъяссӧ, попъяссӧ да сылы юрбитысьяссӧ. Мед локтасны ставныс ӧтитӧг, ме вая Вааллы медся ыджыд вись. А коді оз лок, сійӧ ловйӧн оз коль». Тадзи шуигӧн збыльвылас Еху кӧсйис бырӧдны Вааллы юрбитысьясӧс.

Ӧксыяслӧн 4 небӧг 13:6

Но найӧ эз эновтчыны Еровам рӧдлӧн мыжъяссьыс, мыйӧн Еровам коркӧ кежӧдіс Израиль войтырӧс мыжас. Найӧ водзӧ вӧчисны тайӧ мыжъяссӧ, и Самарияын век на сулаліс юрбитан пу.

Ӧксыяслӧн 4 небӧг 2:25

А Елисей муніс водзӧ да кайис Кармил керӧсӧ. Сэтысянь сійӧ бӧр локтіс Самария карӧ.

Ӧксыяслӧн 4 небӧг 3:13

Елисей шуис израильса ӧксылы: «Мыйла тэ локтін ме дінӧ? Мун аслад бать-мамыдлӧн пророкъяс дінӧ». «Ог мун, – вочавидзис израильса ӧксы. – Господь вайӧдіс миянӧс, куим ӧксыӧс, татчӧ, мед сетны миянӧс моавсаяс киӧ».

Ӧксыяслӧн 4 небӧг 9:22

Ехуӧс аддзигӧн Иорам юаліс: «Бур могӧн-ӧ тэ локтан, Еху?» Мӧдыс вочавидзис: «Кутшӧм бур вермас лоны тані, кор тэнад Езавель мамыд быдлаын паськӧдӧ зывӧк идолъяслы юрбитӧм да тшыкӧдчӧм?»

Неемий 5:17

Менам пызан сайӧ сёйны чукӧрмывліс иудейясысь да веськӧдлысьясысь сё ветымын мортӧдз. Наысь ӧтдор орччӧн олысь войтыръяс пӧвстысь локтысьяс тшӧтш пукавлісны менам пызан сайын.

Сьылан 7:6

Юрыд Кармил керӧс кодь, юрсиыд лӧсталӧ пемыдгӧрд вурун моз, тэнад юрсиыд весиг ӧксыӧс тывйыштӧ.

Еремей 23:13

Ме аддзылі, мый самарияса пророкъяс зывӧка вӧчисны, найӧ пророкалісны Ваал нимсянь, Менсьым Израиль войтырӧс кежӧдісны ылӧгас.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Амос 1:2

Амос шуис: – Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки ыж видзысьяслӧн йирсянінъяс косьмасны, Кармил керӧс вылын ставыс нярмас.

Амос 9:3

Кармил керӧсӧ кӧ дзебсясны, и сэтысь корся да босьта найӧс. Саридз пыдӧсӧ кӧ дзебсясны Меысь, сэні уялысь змейлы тшӧкта чушкыны найӧс.

Нав Исус 19:26

Аламелек, Амад да Мишал каръяс. Рытыввылын налӧн муыс нюжӧдчӧ Кармил керӧсӧдз да Шихор-Ливнат дорӧдз.

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Восьтӧм 2:20

Но Менам эм мыйсюрӧ тэныд паныд: тэ лэдзан Езавель аньлы, асьсӧ пророкӧн шуысьлы, велӧдны да кежӧдны ылӧгас Менсьым кесйӧгъясӧс. Тайӧ аньыс велӧдӧ найӧс кырсавны да сёйны идоллы вайӧм сёян.

Ӧксыяслӧн 1 небӧг 15:12

Водз асывнас Самуил чеччис да мӧдӧдчис Саул дінӧ. Но Самуиллы юӧртісны, Саул пӧ мунӧма Кармил карӧ, мед сувтӧдны сэні аслыс казьтылан из. Сэсянь пӧ [бӧр ыстӧма тарантассӧ,] ачыс мунӧма Галгалӧ.