Ӧксыяслӧн 3 небӧг 18:18 - Коми Библия 2023

¹⁸ Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ӧксыяслӧн 3 небӧг 18:18 ပူးပေါင်းရင်းမြစ်များ

Ӧксыяслӧн 3 небӧг 16:31

Сійӧ вӧчис сійӧ жӧ мыжъяссӧ, мый вӧчліс Неватлӧн Еровам пиыс. Но тайӧ вӧлі этша на. Сійӧ босьтіс гӧтырӧ сидонса Этваал ӧксылысь Езавель нывсӧ да кутіс кесъявны-юрбитны Вааллы.

Ӧксыяслӧн 3 небӧг 16:32

Сійӧ лэптіс Самария карын Вааллы юрбитанін да сувтӧдіс сэтчӧ висьпуктанін.

Ӧксыяслӧн 3 небӧг 21:25

Израильса ӧксыяс пиысь некод эз вӧч Господь водзын сэтшӧм шогмытӧмсӧ, мый Ахав вӧчис. Та вылӧ сійӧс ыззьӧдіс Езавель гӧтырыс.

Ӧксыяслӧн 3 небӧг 21:26

Ахав вӧчис зывӧксӧ – юрбитіс идолъяслы аморей войтыр моз, кодӧс Господь вӧтліс Израиль войтыр водзысь.

Ӧксыяслӧн 3 небӧг 9:9

Сылы вочавидзасны: ”Израиль войтыр эновтіс Господьӧс, ассьыс Енсӧ, коді петкӧдіс налысь батьяссӧ Египет муысь. Найӧ сирасисны мукӧд енъяс дінӧ, юрбитісны-кесъялісны налы. Та вӧсна Господь ыстіс налы став тайӧ лёксӧ”».

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 28:19

Тадзи Господь раммӧдіс Иуда войтырӧс Ахаз ӧксы вӧсна, ӧд Ахаз эновтіс Господьӧс да лёкас кыскис ассьыс войтырсӧ.

Шусьӧгъяс 11:19

Веськыдлуныс вайӧдӧ олӧмӧ, но лёкас сетчысь аслыс кулӧмсӧ корсьӧ.

Шусьӧгъяс 13:21

Мывкыд морткӧд кӧ волысян, мывкыд лоан, вежӧртӧмкӧд кӧ ёртасян, аслыд лёксӧ вӧчан.

Шусьӧгъяс 28:4

Енлысь Индӧдсӧ вунӧдысь лёк вӧчысьясӧс ошкӧ, а Индӧд серти олысь лёк вӧчысьяслы паныд сувтӧ.

Шусьӧгъяс 5:22

Лёк вӧчысьӧс сылӧн вӧчӧмторъясыс кыйӧны, мыжыслӧн кӧртӧдӧ сійӧ ачыс шедӧ.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 23:13

Ме аддзылі, мый самарияса пророкъяс зывӧка вӧчисны, найӧ пророкалісны Ваал нимсянь, Менсьым Израиль войтырӧс кежӧдісны ылӧгас.

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Езекиль 3:8

Ме вӧча тэнӧ на кодь зумыдӧн да чорыдӧн.

Матвей 14:4

Ӧд Иоан ӧлӧдліс Ирӧдӧс: «Вок гӧтырыдкӧд тэныд оз позь овнытӧ».

Ап. уджъяс 24:13

Та вӧсна найӧ оз вермыны подулавны ассьыныс мыжалӧмнысӧ.

Ап. уджъяс 24:20

Тайӧ йӧзыс мед асьныс висьталасны, кутшӧм мыж найӧ аддзисны менсьым, кор ме сулалі веськӧдлан котыр водзын.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Ӧксыяслӧн 1 небӧг 14:29

«Шог суис тайӧ войтырсӧ батьӧй вӧсна», – майшасис Ионафан. Сэсся шуис: «Видзӧдлӧй, менам синмӧй югзис масӧ видлӧм бӧрын.