Ӧксыяслӧн 3 небӧг 18:12 - Коми Библия 2023

¹² Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн.

Ӧксыяслӧн 3 небӧг 18:12 ပူးပေါင်းရင်းမြစ်များ

Ӧксыяслӧн 3 небӧг 18:11

А тэ ӧні тшӧктан менӧ мунны да висьтавны ыджыдӧйлы, мый тэ тані.

Ӧксыяслӧн 4 небӧг 2:11

Мунігмозныс Илля да Елисей сёрнитісны ас костаныс. Виччысьтӧг тыдовтчисны биа тарантаса вӧвъяс да торйӧдісны найӧс. Тӧвныр кыпӧдіс Илляӧс енэжӧ.

Ӧксыяслӧн 4 небӧг 2:16

шуисны сылы: «Миян пӧвстын, тэнад кесйӧгъяс пӧвстын, эм ветымын ён морт. Найӧ мед ветласны да корсясны тэнсьыд ыджыдтӧ. Гашкӧ, Господьлӧн Лолыс нуис сійӧс кытчӧкӧ да шыбитіс кутшӧмкӧ керӧс йылӧ либӧ ковтысӧ». Елисей вочавидзис: «Оз ков мунны».

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

Псалтыр 71:5

Сэки войтырыс пондас повны Енмысь нэмъяс чӧж, кытчӧдз дзирдалас шонді да югъялас тӧлысь.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Еклесиаст 7:18

Бур, тэ кӧ кутчысян воддза тшӧктӧмас и мӧдсьыс он ӧтдортчы, ӧд Енсьыс полысьӧс бырӧдӧмыс оз су.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Езекиль 11:24

Лов кыпӧдіс менӧ да бӧр нуӧдіс Калдея муӧ пленӧ босьтӧмаяс дінӧ. Тайӧс меным Ен Лов петкӧдліс. Сэсся петкӧдчылӧмыс вошис менам син водзысь.

Езекиль 37:1

Господьлӧн киыс вӧлі ме вылын. Аслас Ловнас Господь нуӧдіс менӧ да сувтӧдіс ковтыс шӧрӧ. Тайӧ ковтысыс вӧлі тырӧма морт лыясӧн.

Езекиль 8:3

Сійӧ нюжӧдіс ки сямаӧс да босьтіс менӧ юрсиӧд. Лов кыпӧдіс менӧ енэжа-муа костас да вайӧдіс Ерусалимӧ. Тайӧ вӧлі Енсянь петкӧдлӧм. Лов сувтӧдіс менӧ пытшкӧс йӧрлӧн войвывса дзиръя дорӧ, кӧні сулаліс Господьлысь вежӧгтӧмсӧ кыпӧдысь бӧлбан.

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Матвей 4:1

Та бӧрын Лов нуӧдіс Исусӧс овтӧминӧ, медым омӧльыс ыштӧдіс Сійӧс.

Лука 1:15

Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

Ап. уджъяс 12:19

Ирӧд корсис Петырӧс, но ставыс вӧлі весьшӧрӧ. Видзысьясӧс юасьӧм бӧрын сійӧ тшӧктіс вины найӧс. Сэсся Ирӧд муніс Иудеяысь Кесарияӧ да кольччис сэтчӧ.

Ап. уджъяс 8:39

Ваысь петӧм бӧрын Вежа Лов лэччис евнук вылӧ. А Господьлӧн андел босьтіс Филипӧс, и евнук эз нин аддзы сійӧс. Евнук долыдпырысь водзӧ муніс аслас туйӧд.

2 Тимофейлы 3:15

Тэ ичӧтсяньыд тӧдан вежа Гижӧдъяс. Гижӧдыс сетӧ мывкыдлун, медым Исус Кристослы эскӧмӧн тэ вермин мездмыны.

Ӧксыяслӧн 1 небӧг 16:2

Самуил воча шуис: «Ме ог вермы сэтчӧ мунны. Саул кӧ кывлас, виас менӧ». Господь шуис: «Босьт аскӧдыд куканьӧс да шу, мый тэ локтін вись вайны Господьлы.

Ӧксыяслӧн 1 небӧг 2:18

А Самуил зонка кесъяліс Господь водзын, новліс шабдіысь вурӧм ефод.

Ӧксыяслӧн 1 небӧг 2:26

Самуил зонка лунысь-лун быдмис-верстяммис, сійӧ вайис нимкодьлун Господьлы и йӧзыслы.