Ӧксыяслӧн 3 небӧг 17:12 - Коми Библия 2023

¹² Ань вочавидзис: «Тэнад ловъя Господь Ен водзын шуа: некутшӧм пӧжас менам абу, сӧмын дозмукын ки тыр пызь да дозйын этшаник вый. Ӧні чукӧртышта пес, сэсся муна да пӧжала няньтор аслым да пилы. Няньторсӧ сёйыштам, дай кулам».

Ӧксыяслӧн 3 небӧг 17:12 ပူးပေါင်းရင်းမြစ်များ

Олӧм 21:15

Кор кучик дозсьыс бырис ваыс, сійӧ пу улӧ колис ассьыс писӧ.

Олӧм 21:16

Ачыс вешйис бокӧ, ньӧввуж лыян ылнаӧ, ӧд эз кӧсйы аддзыны пиыслысь кулӧмсӧ. Агар пуксис да пондіс ырзӧмӧн бӧрдны.

Ӧксыяслӧн 2 небӧг 15:21

Иттай воча шуис: «Ловъя Господь водзын да тэ водзын, ӧксыӧй-ыджыдӧй, кыв сета: кӧні тэ лоан – ловъя либӧ кулӧмыд, – сэні лоа и ме, тэнад кесйӧгыд».

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 17:11

Мӧдыс муніс гырничысла. А Илля бӧрсяньыс горӧдіс: «Босьт аскӧдыд тшӧтш няньтор!»

Ӧксыяслӧн 3 небӧг 17:13

Илля шуис аньлы: «Эн пов. Мун да вӧч, мый шуин, но медводз пӧжав ичӧтик сӧчӧн да вай меным. Аслыд да пиыдлы бӧрыннас пӧжалан.

Еремей 14:18

Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Бӧрданкыв 4:9

Шыпурт помысь кулысьяс тшыглы кулысьяс дорысь шудаджыкӧсь, ӧд тшыгъялысь лунысь-лун омӧльтчӧ, нянь абутӧмысла кулӧ.

Матвей 26:7

Исус дінӧ локтіс ань, сійӧ вайис вальді дозйын дона вый. Исуслӧн сёйигӧн ань кисьталіс выйсӧ Исуслы юр вылас.

Ӧксыяслӧн 1 небӧг 14:39

Израильӧс мездысь ловъя Господь водзын шуа: весиг кӧ менам Ионафан пиӧй мыжа, сійӧ ловйӧн оз коль». Став йӧзыс чӧв олісны.

Ӧксыяслӧн 1 небӧг 14:45

Йӧзыс шуисны Сауллы: «Мед оз ло тадз! Сійӧ ӧд вайис Израильлы ыджыд вермӧм да мездӧм. Ми кыв сетам ловъя Господь водзын: сылӧн юр вывсьыс весиг юрси сі оз усь. Ен отсӧгӧн талун сійӧ вермис филистимсаясӧс». Тадзи йӧзыс мездісны Ионафанӧс, и сійӧ ловйӧн коли.

Ӧксыяслӧн 1 небӧг 20:21

Сэсся мӧдӧда зонкаӧс корсьны ньӧвъяссӧ. Шуа кӧ сылы: ”Ньӧвъясыс со бӧрвыладӧсь, босьт сэтысь”, сэки лок ме дінӧ. Ловъя Господь водзын кыв сета: тэкӧд нинӧм оз ло.

Ӧксыяслӧн 1 небӧг 20:3

Давид эскӧдӧмӧн шуаліс: «Тэнад батьыд бура тӧдӧ, мый ме тэныд муса. Сійӧ оз висьтав тэныд ассьыс мӧвпыштӧмсӧ, мед тэ эн шогсьы. Но ловъя Господь водзын да тэ водзын шуа: кулӧмӧдзыс меным ӧти воськов».

Ӧксыяслӧн 1 небӧг 25:26

Ловъя Господь водзын да тэ водзын, ыджыдӧй, шуа, мый Господь оз лэдз тэныд вир кисьтны да водзӧс перйыны. Ыджыдӧй, тэнӧ мустӧмтысьяскӧд да лёксӧ вӧчысьяскӧд мед лоас сійӧ жӧ, мый виччысьӧ Навалӧс.

Ӧксыяслӧн 1 небӧг 26:10

Ловъя Господь водзын шуа: Ачыс Господь бырӧдас сійӧс. Ас кулӧмнас либӧ тышын кулас сійӧ. А Господь мед видзас менӧ Сылӧн мавтыштӧма вылӧ киӧс лэптӧмысь.